ఐదు వ్రేళ్ల బలిమి హస్తంబు

ఐదు వ్రేళ్ల బలిమి హస్తంబు పనిచేయు
నందొకటియు వీడ బొందిక చెడు
స్వీయుడొకడు విడిన జెడుగదా పని బల్మి
విశ్వదాభిరామ.. వినుర వేమా..!!

తాత్పర్యం :
చేతికి ఐదువ్రేళ్ళూ ఉన్నప్పుడే ఎవరైనా సరే... చేయదలచిన పనిని సమర్థవంతంగా పూర్తి చేస్తారు. ఆ ఐదు వ్రేళ్ళలో ఓ ఒక్క వ్రేలు లేకుండా పోయినట్లయినా, ఆ చేయి ఎందుకూ పనికిరాదు. అలాగే మనలను ప్రాణసమానంగా ప్రేమించే ఆప్తుల్లో ఒక్కరు, మనల్ని వదలి వెళ్ళిపోయినా... కార్యహాని జరగడమే గాకుండా, జీవితంలో అభివృద్ధిని సాధించడం కూడా చాలా కష్టం అవుతుందని ఈ పద్యం యొక్క భావం.