యాపిల్ ఎయిర్‌డ్రాప్ తరహాలో ఇంటర్నెట్ కనెక్షన్ లేకుండానే ఫైల్‌లను షేర్ చేసుకునేందుకు వినియోగదారులను అనుమతించే అద్భుతమైన ఫీచర్‌ను వాట్సాప్ పరిచయం చేయడానికి సిద్ధమవుతోంది. ప్రారంభంలో ఆండ్రాయిడ్ ఫోన్‌ల కోసం ఆవిష్కరించిన ఈ ఫీచర్.. త్వరలో iOS వినియోగదారులకు కూడా అందుబాటులో వుంచేందుకు వాట్సాప్ సిద్ధం అవుతుంది.
అయితే, రెండు ప్లాట్‌ఫారమ్‌ల కోసం రోల్‌అవుట్ ఇంకా పెండింగ్‌లో ఉంది. వాట్సాప్ యూజర్లకు తరచుగా కొత్త అప్‌డేట్‌లు, కొత్త ఫీచర్‌లను అందుబాటులో తెస్తోంది. ఇందులో భాగంగా రాబోయే ఫైల్-షేరింగ్ ఫీచర్ మినహాయింపు కాదు.
WABetaInfo ప్రకారం, ఇంటర్నెట్ కనెక్షన్ అవసరం లేకుండా సమీపంలోని పరికరాలతో పత్రాలు, ఫోటోలు, వీడియోలు, ఇతర ఫైల్‌లను భాగస్వామ్యం చేయడానికి అనుమతించే కొత్త ఫీచర్ ఫైల్ -షేరింగ్ రానుంది. ఈ ఫీచర్ ప్రస్తుతం ఆండ్రాయిడ్, iOS కోసం బీటా టెస్టింగ్ దశలో ఉంది.