వాట్సాప్‌లో కొత్త ఫీచర్: ఫోటోలను స్టిక్కర్లుగా మార్చేస్తుంది..

వాట్సాప్‌లో కొత్త ఫీచర్ అందుబాటులోకి వచ్చింది. ఈ కొత్త ఫీచర్ చాటింగ్‌లో క్రియేటివ్ ట్విస్ట్‌ని అందిస్తుందని యాజమాన్యం పేర్కొంటోంది. 

ఈ ఫీచర్ సరదాగా చాటింగ్ చేస్తున్నప్పుడు ఆకర్షణీయంగా వుంటుందని.. ఆల్రెడీ ఆండ్రాయిడ్ వెర్షన్ 2.24.6.8 కోసం స్టిక్కర్స్‌లో తమ అవతార్‌లను మేనేజ్ చేసుకునేలా వాట్సాప్ బీటా ఈ ఫంక్షన్‌ను తీసుకొచ్చింది. 

ఈ ఫీచర్ ద్వారా యూజర్ల భద్రత, గోప్యత మెరుగుపడుతుంది. ఈ ఫీచర్.. యూజర్ల ఫోటోలను స్టిక్కర్‌లుగా మార్చగల సామర్థ్యాన్ని కలిగి ఉంటుంది.

మరోవైపు.. వినియోగదారుల సంభాషణలు మరింత ఎక్స్‌ప్రెసివ్, ఆకర్షణీయంగా చేయాలనే  లక్ష్యంతో వాట్సాప్ తన కీబోర్డ్‌లో యూనికోడ్ 15.1 ఎమోజీలను కూడా చేర్చింది. 

ఇంకా టెలిగ్రామ్, సిగ్నల్ వంటి థర్డ్-పార్టీ అప్లికేషన్‌లకు మెసేజ్‌లు పంపేందుకు వీలుగా వాట్సాప్ చాట్ ఇంటర్‌పెరాబిలిటీ ఫీచర్‌ను అభివృద్ధి చేస్తున్నట్లు తెలిసింది.