బాలీవుడ్ నటుడు షారుక్ ఖాన్ నటుడిగా గొప్ప పేరు తెచ్చుకున్నాడు. ప్రస్తుత కాలంలో సోషల్ మీడియాను ఉపయోగించుకోవడంలోనూ షారూఖ్ ముందు నిలబడ్డాడు.
తాజాగా 'ట్విట్టర్ మొబైల్ వీడియో కెమెరా' ఫీచర్‌ను ఉపయోగించిన తొలి భారతీయుడిగా షారుక్ మరో అడుగు ముందుకేశాడు. ఈ మేరకు ట్విట్టర్ మార్కెట్ డైరెక్టర్ రిషి జైట్లీ తన ట్విట్టర్ ఖాతాలో తెలిపారు.
"ట్విట్టర్ ఎప్పుడూ కొత్త ఫీచర్స్‌ను తీసుకొస్తుంటుంది. అలాగే వారికి నేను చేసిన సూచనలను పరిశీలిస్తామన్నందుకు చాలా సంతోషంగా ఉంది. ఈ ట్విట్టర్ మొబైల్ వీడియో కెమెరా ఫీచర్ చాలా కొత్తగా ఉంది. అప్పుడప్పుడూ దాన్ని ఉపయోగిస్తూ ఎంజాయ్ చేస్తా" అని కింగ్ ఖాన్ పేర్కొన్నారు.