భారత్‌లోకి టెక్నో కామోన్-16 స్మార్ట్ ఫోన్.. ధర రూ.10,999

Tecno Camon

భారత్‌లో టెక్నో కామోన్-16 స్మార్ట్ ఫోన్ లాంచ్ అయ్యింది. ఈ ఫోన్ ఫ్లిప్‌కార్ట్ బిగ్ బిలియన్ డేస్ సందర్భంగా అక్టోబర్ 16వ తేదీ నుంచి అందుబాటులో ఉండనుంది. క్లౌడ్ వైట్, ప్యూరిస్ట్ బ్లూ రంగుల్లో ఈ ఫోన్ అందుబాటులో ఉంది. ప్రస్తుతం ఉన్న అన్ని ఫోన్లలో ఇదే అత్యంత చౌకైన 64 మెగా పిక్సెల్ కెమెరా ఫోన్ కావడం విశేషం. 

ఇందులో 6.8 అంగుళాల హెచ్‌డీ+ హోల్ పంచ్ డిస్ ప్లేను అందించారు. దీని స్క్రీన్ టు బాడీ రేషియో 89.1 శాతంగా ఉంది. మీడియాటెక్ హీలియో జీ79 ప్రాసెసర్‌పై ఈ ఫోన్ పని చేయనుంది. వీటిలో ప్రధాన కెమెరాగా 64 మెగా పిక్సెల్ సెన్సార్‌ను అందించారు.

ఈ ఫోనులో వెనకవైపు నాలుగు కెమెరాల సెటప్ అందించారు. వీటిలో ప్రధాన కెమెరాగా 64 మెగాపిక్సెల్ సెన్సార్ ఉండటం విశేషం. గత నెలలో టెక్నో కామోన్ 16 ప్రీమియర్ గ్లోబల్ లాంచ్ జరిగినప్పుడు కామోన్ 16ను కూడా ప్రకటించారు. ఇందులో వెనకవైపు ఫింగర్ ప్రింట్ సెన్సార్ అందించారు. దీని సెల్ఫీ కెమెరా సామర్థ్యం 16 మెగా పిక్సెల్ గా ఉంది. ఇందులో హోల్ పంచ్ డిస్ ప్లేను కూడా అందించారు. 

ఇందులో కేవలం 4 జీబీ ర్యామ్ + 64 జీబీ స్టోరేజ్ వేరియంట్ మాత్రమే అందుబాటులో ఉంది. దీని ధరను రూ.10,999గా నిర్ణయించారు. 4 జీబీ ర్యామ్, 64 జీబీ ఇంటర్నల్ స్టోరేజ్‌ను ఇందులో అందించారు. ఆండ్రాయిడ్ 10 ఆధారిత హైఓఎస్ 7.0 ఆపరేటింగ్ సిస్టంపై ఈ ఫోన్ పనిచేయనుంది.