భారతదేశంలో జెడ్ ఫోల్డ్ 6, జెడ్ ఫ్లిప్ 6ని విడుదల చేసిన శాంసంగ్

గెలాక్సీ జెడ్ ఫోల్డ్ 6, జెడ్ ఫ్లిప్ 6ని ముందస్తు ఆర్డర్ చేసే కస్టమర్‌లు కేవలం రూ. 999కి  గెలాక్సీ  జెడ్  అస్యూరెన్స్‌లో భాగంగా రూ. 14999 విలువైన  రెండు స్క్రీన్- పార్ట్స్ రీప్లేస్‌మెంట్ పొందుతారు. గెలాక్సీ జెడ్ ఫోల్డ్ 6, జెడ్ ఫ్లిప్6 ప్రీ-ఆర్డర్ చేసే కస్టమర్‌లు 9 నెలల నో కాస్ట్ ఈఎంఐతో పాటు రూ. 8000 విలువైన అదనపు బ్యాంక్ క్యాష్‌బ్యాక్ లేదా అప్‌గ్రేడ్ బోనస్‌ను పొందవచ్చు. ఇప్పటికే ఉన్న శాంసంగ్ ఫ్లాగ్‌షిప్ కస్టమర్‌లు రూ. 15000 అప్‌గ్రేడ్ బోనస్‌ను పొందవచ్చు

భారతదేశంలో అతిపెద్ద వినియోగదారు ఎలక్ట్రానిక్స్ బ్రాండ్ అయిన శాంసంగ్, గెలాక్సీ ఏఐ యొక్క తదుపరి అధ్యాయాన్ని ఆవిష్కరిస్తూ, భారతదేశంలో తమ ఆరవ తరం ఫోల్డబుల్ స్మార్ట్‌ఫోన్‌లు - గెలాక్సీ  జెడ్ ఫోల్డ్ 6, జెడ్ ఫ్లిప్6ల కోసం ముందస్తు బుకింగ్‌లను తెరిచింది. కొత్త గెలాక్సీ జెడ్ ఫోల్డ్ 6, జెడ్ ఫ్లిప్6లు గెలాక్సీ ఏఐని నూతన శిఖరాలకు తీసుకువెళ్లనున్నాయి, వినియోగదారులకు ప్రత్యేకమైన మొబైల్ అనుభవాల శ్రేణిని అందిస్తాయి.

"శాంసంగ్ వద్ద, మా ఆరవ తరం ఫోల్డబుల్స్- గెలాక్సీ జెడ్ ఫోల్డ్ 6, జెడ్ ఫ్లిప్6తో గెలాక్సీ ఏఐ తదుపరి అధ్యాయాన్ని తెరవడానికి మేము సంతోషిస్తున్నాము. ఈ కొత్త స్మార్ట్‌ఫోన్‌లు కమ్యూనికేషన్‌లు, ఉత్పాదకత, సృజనాత్మకత అంతటా ప్రత్యేకమైన మొబైల్ అనుభవాలను ఆవిష్కరించడానికి రూపొందించబడ్డాయి. ఏఐతో కనెక్ట్ చేయబడిన గెలాక్సీ పర్యావరణ వ్యవస్థతో కూడిన మా కొత్త ఉత్పత్తులు మిమ్మల్ని శక్తివంతం చేస్తాయి, మీ జీవితాలను మెరుగుపరుస్తాయి, గెలాక్సీ జెడ్ ఫోల్డ్ 6, జెడ్ ఫ్లిప్6 రెండూ మా నోయిడా ఫ్యాక్టరీలో తయారవుతున్నాయని వెల్లడించేందుకు నేను సంతోషిస్తున్నాను" అని శాంసంగ్ సౌత్‌వెస్ట్ ఆసియా ప్రెసిడెంట్- సీఈఓ జె బి పార్క్ అన్నారు.