దక్షిణ కొరియా దిగ్గజం శామ్‌సంగ్ భారత మార్కెట్లోకి కొత్త ఫోనును ఆవిష్కరించనుంది. రెండు మిడ్‌రేంజ్ ఫోన్లను ఇది విడుదల చేయనుంది. ఈ క్రమంలో గెలాక్సీ ఏ21ఎస్‌ మోడల్‌ను మార్కెట్లోకి విడుదల చేసింది. ఇప్పటికే వీటిని యూరప్‌ మార్కెట్‌లో లాంచ్‌ చేసింది. ఇందులో 4జీబీ ర్యామ్‌, 64 జీబీ ఇంటర్నల్‌ మెమొరీ, 6జీబీ -64జీబీ మెమొరీతో రూ.16,499, రూ.18,499 ధరల్లో రిటైల్‌ స్టోర్లు, ఆన్‌లైన్‌ పోర్టల్‌లో అందుబాటులో ఉంటాయని శామ్‌సంగ్ ఓ ప్రకటనలో తెలిపింది.
బ్లాక్‌, వైట్‌, బ్లూ కలర్స్‌లో మోడల్స్‌ ఉన్నాయని శామ్‌సంగ్ వెల్లడించింది. ఇంకా 8-మెగాపిక్సెల్ అల్ట్రావైడ్‌ సెన్సార్, 2-మెగాపిక్సెల్ డెప్త్ సెన్సార్, 2-మెగాపిక్సెల్ మైక్రోలెన్స్‌ ఉన్నాయి. సెల్ఫీల కోసం ముందు భాగంలో 13 మెగాపిక్సల్ కెమెరా, ఫాస్ట్ చార్జింగ్‌, 5,000 బ్యాటరీ, ఫింగర్ ప్రింట్ సెన్సార్‌తో పాటు ఫేస్అన్ లాక్ ఉందని, డాల్‌బీ అట్మాస్‌ సపోర్ట్‌ ఉందని వివరించింది.