చైనా స్మార్ట్‌ఫోన్ తయారీ సంస్థ రియల్ మీ సంచలనానికి తెరలేపింది. ఇప్పటికే ఎన్నో బడ్జెట్ ఫోన్లను తీసుకొచ్చిన ఈ సంస్థ తాజాగా కేవలం రూ. 13వేలకే 5జీ ఫోన్‌ను ఆవిష్కరించింది. ప్రస్తుతం చైనాలో లాంచ్ అయిన ఈ ఫోన్లు త్వరలో భారత మార్కెట్లోకి రానున్నాయి.
రియల్‌మీ క్యూ2, రియల్‌మీ క్యూ2 ప్రో, రియల్‌మీ క్యూ2ఐ పేరిట ఈ స్మార్ట్‌ఫోన్లను లాంచ్ చేసింది. ఈ మూడు ఫోన్లు 5జీకి సపోర్ట్ చేస్తాయి. రియల్ మీ క్యూ, రియల్ మీ క్యూ2 ప్రోలు రెండు ర్యామ్, స్టోరేజ్ వేరియంట్లలో లభ్యం కానున్నాయి.
రియల్ మీ క్యూ2ఐలో ఒక్క స్టోరేజ్ వేరియంట్‌లో మాత్రమే లభ్యం కానుంది. ఇక ఈ ఫోన్ల ధరల విషయానికి వస్తే.. రియల్‌మీ క్యూ 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.14,200 ఉండగా.. 6 జీబీ ర్యామ్ + 128 జీబీ స్టోరేజ్ వేరియంట్ రూ.15,200గా ఉంది.
రియల్‌మీ క్యూ2 ప్రో 8 జీబీ ర్యామ్ + 128 జీబీ స్టోరేజ్ వేరియంట్ ధర 1,799 రూ.19,600 ఉండగా.. 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.21,800గా ఉంది. రియల్‌మీ క్యూ2ఐ 4 జీబీ ర్యామ్ + 128 జీబీ స్టోరేజ్ ధర రూ.13,000గా నిర్ణయించారు.