జీటాక్ సేవలను గూగుల్ సెర్చ్ నిలిపివేసింది. ఇక హ్యాంగ్ అవుట్స్ ద్వారా గూగుల్ మెసేజింగ్ యాప్ ద్వారా సందేశాలను ఉచితంగా పంపుకోవచ్చు, రిసీవ్ చేసుకోవచ్చు. అందులో ఫోటోలను కూడా షేర్ చేసుకోవచ్చు. ఈ యాప్ ద్వారా గ్రూప్ లోని సభ్యుల మధ్య వాయిస్, వీడియో కాల్స్ ఉచితం. దానిలో ఒక్కసారే వంద మందితో గ్రూప్ చాట్ చేయవచ్చట.
కాగా తొమ్మిదేళ్ల సుదీర్ఘ విరామం తర్వాత జీటాక్ స్థానంలో హ్యాంగ్ అవుట్స్ ఫీచర్‌ను అందుబాటులోకి తీసుకొచ్చింది. ఈ మేరకు గూగుల్ ప్రొడక్ట్ మేనేజర్ మయూర్ కమార్ తొలిసారి ఈ విషయాన్ని తన బ్లాగ్ స్పాట్ ద్వారా తెలిపారు. జీటాక్ సేవలు అధికారికంగా రద్దయినప్పటికీ జిట్సి, పీఎస్ఐ, ఇన్ స్టెంట్ బర్డ్, మిరండా ఐఎమ్ వంటి మూడో పార్టీ అప్లికేషన్‌ల ద్వారా యాక్సెస్ చేసుకోవచ్చట. అయితే దాంతో గూగుల్‌కు ఏమాత్రం సంబంధం ఉండదట.