గూగుల్ సర్చ్ ఇంజిన్ గురించి ఐర్లాండ్ డేటా ప్రొటెక్షన్ కమిషన్ ఓ విషయాన్ని బయటపెట్టింది. గూగుల్ సెర్చ్‌ను ఆండ్రాయిడ్ ఆపరేటింగ్ సిస్టమ్‌తోనే స్మార్ట్ ఫోన్స్ పనిచేస్తుంటాయి. గూగుల్‌లో సెర్చ్ చేసే ప్రతీ అంశం రికార్డ్ అవుతుంది. అలాగే మనం వాడుతున్న యాప్స్ అన్నీ గూగుల్‌కు తెలిసిపోతుంటాయి.
మీ పేరు, ఊరు, వయస్సు, జెండర్, అడ్రస్... ఇలా మీకు సంబంధించిన అనేక వివరాలు గూగుల్ చేతిలో ఉంటాయి. యురోపియన్ యూనియన్ ప్రైవసీ రెగ్యులేషన్స్‌ని తప్పించుకునేందుకు హిడెన్ వెబ్ పేజెస్ ద్వారా మీ వ్యక్తిగత సమాచారాన్ని అడ్వర్టైజర్లతో గూగుల్ పంచుకుంటోందని ఐర్లాండ్ డేటా ప్రొటెక్షన్ కమిషన్ బయటపెట్టింది. బ్రౌజర్ మేకర్ బ్రేవ్ ఇచ్చిన ఫిర్యాదు మేరకు ఈ దర్యాప్తును మేలోనే ప్రారంభించిందని డేటా ప్రొటెక్షన్ కమిషన్ వెల్లడించింది.
యూజర్ల వ్యక్తిగత సమాచారాన్ని అడ్వర్టైజర్లతో గూగుల్ పంచుకుంటుందన్న ఆరోపణలు కొత్తేమీ కాదు. దీంతో గతంలో గూగుల్ ఈ డేటా స్కామ్ ఉచ్చులో చిక్కుకుంది. ఇప్పుడు మరో సాక్ష్యం బయటపడింది.