ఇప్పటివరకు కిరాణా సరకులు, దుస్తులు, వాచీలు, ఎలక్ట్రానిక్ పరికరాలు ఇలా అనేక వస్తువులు ఆన్లైన్లో అందుబాటులో ఉన్నాయి. కానీ, ఇపుడు మద్యం కూడా ఆన్‌లైన్ విక్రయాల్లోకి చేరింది. ఈ-కామర్స్ దిగ్గజం అమెజాన్ కంపెనీ ఆన్‌లైన్ మద్యం అమ్మకాలు చేపట్టనుంది. ఇందుకోసం చేసిన అమెజాన్ చేసిన ప్రకటనకు బ్రహ్మండమైన ఆదరణ లభించింది.
'ప్రైం నౌ సర్వీస్' పేరిట అమెజాన్ సంస్థ అమెరికాలో ఈ సేవలను ప్రారంభించగా, క్షణాల్లో ఆర్డర్లు వందల నుంచి వేలకు చేరిపోయాయి. ఆన్లైన్లో మద్యం కొనుగోలు చేసే వారి సంఖ్య అమాంతం పెరిగిందని సంస్థ ప్రకటించింది. కస్టమర్లకు అన్ని రకాల సేవలనూ దగ్గర చేయాలన్నదే తమ లక్ష్యమన్నారు. అందులోభాగంగానే ఈ వినూత్న ఆలోచన చేశామని వెల్లడించారు.