ఐపీఎల్-10 సీజన్‌కు మంచిరోజులు వచ్చినట్లే.. ఒకే రోజు రెండు హ్యాట్రిక్‌లు నమోదైన అరుదైన దృశ్యం శనివారం నమోదు కాగా ఐపీఎల్-10 సీజన్ లో వీక్షకుల సంఖ్య రికార్డు స్థాయికి చేరింది. ప్రపంచంలో ఉన్న క్రికెట్ లీగ్‌లతో పోలిస్తే ఐపీఎల్లే అగ్రస్థానంలో ఉంది. ఐపీఎల్
ఐపీఎల్-10 సీజన్‌కు మంచిరోజులు వచ్చినట్లే.. ఒకే రోజు రెండు హ్యాట్రిక్‌లు నమోదైన అరుదైన దృశ్యం శనివారం నమోదు కాగా ఐపీఎల్-10 సీజన్ లో వీక్షకుల సంఖ్య రికార్డు స్థాయికి చేరింది. ప్రపంచంలో ఉన్న క్రికెట్ లీగ్‌లతో పోలిస్తే ఐపీఎల్లే అగ్రస్థానంలో ఉంది. ఐపీఎల్ క్రికెట్‌కు జోష్ తగ్గిందని వస్తున్న వార్తలను ఈ మూడు ఘటనలూ ఒకే రోజు సంభవించి ఒక్కసారిగా హైప్ పెంచేశాయి.
శుక్రవారం జరిగిన ఐపీఎల్-10 సీజన్ మ్యాచ్‌లలో వరుస హ్యాట్రిక్‌లు సంభవించాయి. రాయల్ ఛాలెంజర్స్ బెంగళూరు బౌలర్ శామ్యూల్ బద్రి (వెస్టిండీస్) బెంగళూరులో ముంబై ఇండియన్స్‌తో జరిగిన మ్యాచ్‌లో హ్యాట్రిక్ సాధించాడు.
కొన్ని గంటల వ్యవధిలోనే రెండో మ్యాచ్‌లో కూడా హ్యాట్రిక్ నమోదయింది. రాజ్‌కోట్‌లో గుజరాత్ లయన్స్‌ బౌలర్ ఆండ్రూ టై చివరి ఓవర్ తొలి మూడు బంతుల్లో ఈ అద్భుతం సాధించాడు. రైజింగ్ పుణె సూపర్‌జెయింట్ బ్యాట్స్‌మెన్ అంకిత్ శర్మ, మనోజ్ తివారీ, ఎస్‌ఎన్ ఠాకూర్‌లను ఔట్ చేశాడు. మొదటి ఇద్దరు క్యాచ్ రూపంలో ఔటవ్వగా, మూడో బ్యాట్స్‌మన్ క్లీన్ బౌల్డ్ అయ్యారు. డెత్ ఓవర్లు వేయడానికి ఇష్టపడే ఆస్ట్రేలియా ఫాస్ట్ బౌలర్ ఆండ్రూ టై చిట్టచివరి ఓవర్‌లో తన ప్రతాపం చూపాడు. మూడు వికెట్లు కోల్పోయిన పుణె ఆ ఓవర్‌లో కేవలం 4 పరుగులు సాధించిది. నాలుగు ఓవర్లు వేసిన టై 17 పరుగులు ఇచ్చి 5 వికెట్లు తీశాడు. హ్యాట్రిక్‌తో పుణె నడ్డివిరిచిన గుజరాత్ బౌలర్ ఏజే టై(4-0-17-5)కు మ్యాన్ ఆఫ్‌ ది మ్యాచ్‌ అవార్డు దక్కింది.