ఉంగరాలు మార్చుకోవడం కాదు.. కొండచిలువల్ని దండలుగా మార్చుకున్నారు.. (వీడియో)

వివాహం అంటేనే మాలలు మార్చుకోవడం చూసివుంటాం. లేదా ఉంగరాలు మార్చుకోవడం చూసివుంటాం. కానీ కొండచిలువల్ని మాలలుగా భావించి మార్చుకోవడం చూసివున్నారా.. అలాంటి సీన్ చూస్తే జడుసుకోరూ.. అలాంటి ఘటనే చైనాలో చోటుచేస

వివాహం అంటేనే మాలలు మార్చుకోవడం చూసివుంటాం. లేదా ఉంగరాలు మార్చుకోవడం చూసివుంటాం. కానీ కొండచిలువల్ని మాలలుగా భావించి మార్చుకోవడం చూసివున్నారా.. అలాంటి సీన్ చూస్తే జడుసుకోరూ.. అలాంటి ఘటనే చైనాలో చోటుచేసుకుంది. ఓ యువ జంట వెరైటీగా తమ పెళ్ళిని జరపాలనుకుంది. అందుకే పడవలో, ఆకాశంలో తేలియాడుతూ పెళ్ళి జరుపుకోకుండా.. మాలల మార్చుకోవడం వద్ద ట్విస్ట్ పెట్టింది. 

అంతే.. ఇక ఉన్నట్టుండి బంగారు వర్ణంలో గల రెండు కొండ చిలువల్ని తీసుకొచ్చి.. దండలుగా మార్చుకున్నారు. వీరిద్దరూ వన్యప్రాణి ప్రేమికులు కావడంతో.. చిలువల్ని చంపకండి అనే సందేశాన్నిచ్చేందుకు ఇలా చేశారు. ఈ కొండ చిలువల్లో ఒకటి 30 కేజీల బరువుంటే.. రెండోది 15 కిలోల బరువుంది. ఇలా కొండ చిలువల్ని తమ వెడ్డింగ్ మాలలుగా మార్చుకున్న సన్నివేశాలతో కూడిన వీడియో చైనా సోషల్ మీడియాలో వైరల్ అయ్యింది. 

ముందు బంగారు వర్ణం గల కొండ చిలువలను దండలుగా ఆ జంట మార్చుకుంటే.. ఆపై ఇద్దరు కౌగిలించుకున్న సీన్స్‌ను చూసేందుకు నెటిజన్లు ఎగబడుతున్నారు. 30 కిలోల కొండ చిలువను పెళ్లికూతురు జియాంగ్ స్యూ ధరించగా, అతడు మాత్రం 15 కిలోల కొండచిలువను ధరించాడు. వీళ్లు తమ ఇంట్లో వన్య ప్రాణులను పెంచుకుంటున్నారు.