పట్టణాల్లో, నగరాల్లో ఇల్లు అద్దెకు తీసుకోవాలంటే వేలు వేలు ఖర్చు పెడుతుంటాం. అలాంటిది వందల ఎకరాలతో కూడిన లగ్జరీ ఫామ్హౌస్ను అద్దెకు తీసుకోవాలంటే లక్షలు పెట్టాల్సిందే. కానీ ఇంగ్లండ్లోని సౌత్ వేల్స్ సమీపంలో ఉన్న పార్స్ ఫామ్ను ఏడాదికి వంద రూపాయలకే అద్దెకిస్తామని ఓ స్వచ్ఛంధ సంస్థ ప్రకటించింది. అయితే ఆ ఫామ్ హౌస్ను అద్దెకు తీసుకోవాలంటే.. కొన్ని షరతులు తప్పనిసరి. ఏడాదికి కేవలం వంద రూపాయలకే అద్దెకిచ్చే ఆ ఫామ్ హౌస్లో ఉండాలంటే.. 416 గొర్రెలతో పాటు కొన్ని జీవ జాతుల్ని కూడా కళ్ళల్లో పెట్టి చూసుకోవాలి.
ప్రకృతిని ప్రేమించేవారు.. పెట్స్ను ముద్దుగా చూసుకునే వారికే ఈ ఫామ్ హౌస్ అద్దెకు సొంతమవుతుంది. అందుకే నేషనల్ ట్రస్ట్ ప్యానల్ ఈ ఫామ్ హౌస్ను అద్దెకు తీసుకోవాలనుకునే వారి దరఖాస్తులను పరిశీలిస్తోంది. వ్యవసాయం చేసిన వారు, ప్రకృతిని పరిరక్షించే వారే ఈ హౌస్కు అద్దెకు రావొచ్చునని ట్రస్టు పేర్కొంది. నాలుగు బెడ్ రూమ్లతో కూడిన ఈ ఫామ్ హౌస్ను కొన్ని జీవజాతులను కాపాడేందుకు.. ప్రకృతిని పరిరక్షించేందుకే ఏడాదికి వంద రూపాయల చొప్పున పదేళ్ల వరకు అద్దెకిచ్చేందుకు ఇస్తున్నట్లు ట్రస్టు అధికారులు తెలిపారు. 140 ఎకరాలతో కూడిన ఈ ఫామ్ హౌస్ సముద్రానికి సమీపంలో ఉంటుంది.