2022లో ప్రపంచ స్విమ్మింగ్‌ పోటీలు

ప్రపంచ స్విమ్మింగ్‌ పోటీలు 2022లో జరగనున్నాయి. జపాన్‌లోని ఫుకుయోకా వేదికగా 2021లో జరగాల్సిన ఈ పోటీలు ఒలింపిక్స్‌ కారణంగా ఏడాదికి వాయిదా వేస్తున్నట్లు అంతర్జాతీయ స్విమ్మింగ్‌ ఫెడరేషన్‌(ఫినా) సోమవారం ఓ ప్రకటనలో తెలిపింది.

షెడ్యూల్‌ ప్రకారం వరల్డ్‌ ఛాంపియన్‌షిప్‌ స్విమ్మింగ్‌ పోటీలు 2021 జులై 16 నుంచి ఆగస్టు 1 వరకు జరగాల్సి ఉంది. రీ షెడ్యూల్‌ ప్రకారం ఈ పోటీలు 2022 మే 13 నుండి 29 వరకు జరగనున్నాయి.

అన్ని స్విమ్మింగ్‌ సమాఖ్యల అభిప్రాయాలు తెలుసుకున్న తర్వాతే పోటీలను వాయిదా వేస్తున్నట్లు ఫినా అధ్యక్షులు జులియో మాగ్లియోన్‌ సోమవారం తెలిపారు.