చైనా (China) దేశంలో ప్రస్తుతం HMPV వైరస్ చుట్టబెడుతోంది. అక్కడ ఆసుపత్రులన్నీ ఈ వ్యాధిగ్రస్తులతో కిక్కిరిసిపోయి కనబడుతున్నారు. ప్రత్యేకించి కొన్నిచోట్ల స్మశానాలు కూడా రద్దీగా వున్నట్లు సోషల్ మీడియాలో వార్తలు హల్చల్ చేస్తున్నాయి. కోవిడ్ -19 మహమ్మారి కోరల నుండి చైనా, భారతదేశంతో(India) సహా అనేక ఇతర దేశాలు కోలుకుని నాలుగు సంవత్సరాలు గడిచాయి. 2025లో మూడు రోజులుగా చైనాలో కొత్త మిస్టీరియస్ వైరస్ వ్యాప్తి భయాందోళనలకు గురిచేస్తోంది.
హ్యూమన్ మెటాప్‌న్యూమోవైరస్ (HMPV)గా పిలిచే ఈ వైరస్ చైనాలో విస్తరిస్తోంది. దేశంలో హెచ్‌ఎమ్‌పివి కేసులు పెరుగుతున్నాయని, ముఖ్యంగా ఉత్తర ప్రావిన్స్‌లలో 14 ఏళ్లలోపు వారిలో పెరుగుతున్నట్లు రాయిటర్స్ నివేదించింది. ఆరోగ్య భయం మధ్య, వైరస్ భారతదేశాన్ని ప్రభావితం చేస్తుందా లేదా COVID-19 రోజులను తిరిగి తీసుకువస్తుందా అనే దానిపై ఊహాగానాలు ఉన్నాయి. HMPV లక్షణాలు తేలికపాటి జ్వరం, ముక్కు కారటం, దగ్గు వంటి సాధారణ జలుబు లేదా ఫ్లూ మాదిరిగానే ఉంటున్నాయి. కనుక మాస్కులు వేసుకుని కోవిడ్ సమయంలో పాటించిన జాగ్రత్తలు తీసుకుంటుంటే మంచిదనే అభిప్రాయాలు వ్యక్తమవుతున్నాయి.
హ్యూమన్ మెటాప్‌న్యూమోవైరస్ కూడా ఫోమైట్ ద్వారా సంక్రమిస్తుంది, అంటే ఇది సోకిన వ్యక్తి నుండి మరొకరికి లేదా వ్యాధి సోకిన వ్యక్తి తాకిన ప్రాంతపు ఉపరితలం నుండి మరొక వ్యక్తికి వ్యాపిస్తుంది. ఇది సోకిన వ్యక్తితో కరచాలనం చేయడం వంటి దగ్గరి పరిచయం నుండి, సోకిన వ్యక్తి యొక్క దగ్గు, తుమ్ముల నుండి వ్యాపిస్తుంది. కలుషితమైన ఉపరితలాలను తాకి, ఆపై ముఖాన్ని(నోరు, ముక్కు లేదా కళ్ళు) తాకడం కూడా HMPV వ్యాప్తికి దారితీయవచ్చు. వ్యాధి తీవ్రం దాల్చితే ప్రాణానికి ముప్పు ఏర్పడవచ్చు.