ఓ మంచి భర్తను వెతికిపెడితే రూ.4 లక్షల బహుమతి ....

ఒంటరితనంతో విసిగిపోయిన ఓ అమెరికన్ మహిళ... ఇపుడు భర్త కోసం గాలిస్తుంది. పైగా, తనకు మంచి భర్తను వెతికి పెడితే ఏకంగా 500 డాలర్లు (భారతీయ కరెన్సీలో రూ.4 లక్షలు) బహుమతిగా ఇస్తానని ప్రకటించింది. ఆమె పేరు ఈవ్ టిల్లీ కౌల్సన్. లాస్ ఏంజిల్స్‌కు చెందిన 35 యేళ్ల ఈమె కార్పొరేట్ లిటిగేషన్ అటార్నీ కావడం గమనార్హం.

ఇంతకాలం ఒంటరితనంతో విసిగి వేసారిపోయిన ఈమె... తనకు భర్తకు వెతికి పెట్టమని ఓ ప్రకటన చేసింది. అయితే, మంచి లక్షణాలు ఉన్న పురుషుడు కావాలంటా ఓ షరతు విధించింది. ఈ మేరకు ఆమె టిక్ టాక్‌లో ఓ వీడియోను పోస్ట్ చేశారు. ఆమెకు ఏకంగా 10 లక్షల మంది ఫాలోయర్లు ఉండటం గమనార్హం. 

గతంలో తనకు మంచి భర్తను వెతికిపట్టే పనిని తన స్నేహితులు, తన యజమానికి అప్పగించింది. ఇపుడు ఈ ఆఫర్‌ను ప్రతి ఒక్కరికీ ఇస్తున్నట్టు తెలిపింది. తాను చేసుకోబోయేవాడి లక్షణాలను కూడా వెల్లడించింది. ప్రస్తుతం తాను గత ఐదేళ్లుగా ఒంటరిగా ఉంటున్నాని, డేటింగ్ ప్రయత్నాలతో విసుగు వచ్చిందని, కరోనా తర్వాత డేటింగ్ సంస్కృతిలో మార్పులు వచ్చాయని పేర్కొంది. 

అబ్బాయిలు వ్యక్తిగతంగా సంప్రదించడం లేదని, అాగే చాలా మంది బంధాలు విషయంలో సీరియస్‌గా ఉండటం లేదని వాపోయింది. అందుకే మంచి లక్షణాలు ఉన్న పురుషుడి పెళ్లి చేసుకోవాలని భావిస్తున్నట్టు చెప్పింది. తనకు నచ్చిన వ్యక్తిని వెతికిపెడితే రూ.4 లక్షల నగదు బహుమతి ఇస్తానని ఆమె తన టిక్ టాక్ వీడియోలో పేర్కొంది.