అగ్రరాజ్యం అమెరికా డెల్టా వైరస్ దెబ్బకు వణికిపోతోంది. గత పది రోజులుగా ఇక్కడ రెట్టింపు కేసులు నమోదవుతున్నాయి. దీంతో అమెరికా ప్రభుత్వం అప్రమత్తమైదం. పది రోజుల క్రితంతో పోలిస్తే ప్రస్తుతం అక్కడ రెట్టింపు కేసులు, మరణాలు నమోదవుతున్నాయి. ఈ నేపథ్యంలో ముందు ముందు పరిస్థితులు మరింత దారుణంగా ఉంటాయని అమెరికా అంటువ్యాధుల నిపుణుడు ఆంథోనీ ఫౌచీ హెచ్చరించారు.
ప్రజలంతా వీలైనంత తొందరగా టీకా తీసుకోవాలని కోరారు. రూపాలు మార్చుకుంటూ ప్రపంచ దేశాలను వణికిస్తున్న కరోనా మహమ్మారి అమెరికాలో మరోసారి విజృంభిస్తోంది.
ఈ నేపథ్యంలో భవిష్యత్లో కరోనా వల్ల కలిగే ఇబ్బంది మరింత తీవ్రమవ్వొచ్చని ఆందోళన వ్యక్తం చేశారు. 'డెల్టా వైరస్ ప్రభావంతో పరిస్థితులు మరింత దారుణంగా మారనున్నాయి' అని ఓ వార్తా సంస్థకు ఇచ్చిన ఇంటర్వ్యూలో ఆయన చెప్పుకొచ్చారు