బ్రెజిల్‌లో కరోనా కేసులు.. 13,999 మంది మృతి.. ఒక్కరోజే 14వేల కేసులు

corona

బ్రెజిల్‌లో కరోనా కేసులు పెరిగిపోతున్నాయి. గత 24 గంటల వ్యవధిలో అక్కడ 14వేల కొత్త కేసులు నమోదయ్యాయి. దీంతో మొత్తం పాజిటివ్ కేసుల సంఖ్య 1,88,974కు చేరింది. ఇక గత 24 గంటల్లో బ్రెజిల్‌లో మృతులు కూడా భారీగా నమోదయ్యాయి. ఒక్కరోజే 749 మంది మృతిచెందడంతో ఆ దేశంలో నమోదైన మొత్తం మరణాల సంఖ్య 13,999కి చేరింది. మరోవైపు కరోనా వైరస్ కారణంగా బ్రెజిల్‌లో ఆర్థిక పరిస్థితి మరింత క్షీణించింది.

రోజురోజుకు కొత్త కేసుల సంఖ్య వేగంగా పెరుగుతుండటంతో ఇప్పటికే కొనసాగుతున్న లాక్‌డౌన్‌ను మరికొన్ని వారాలు పొడిగించాలని ఆ దేశ అధ్యక్షుడు జైర్‌ బోల్సోనారో నిర్ణయించారు. ఈ మేరకు అన్ని రాష్ట్రాల గవర్నర్లకు ఆదేశాలు జారీచేశారు. బ్రెజిల్‌ ఎకానమీ రేటు 4.7 శాతానికి పడిపోయిందని, గత వందేళ్లలో ఇంతలా క్షణించడం ఇదే మొదటిసారి ఆర్థికశాఖ అధికారులు చెప్పారు.