రిషి సునక్‌కు 'మార్గరెట్ థాచర్ 2.O' నుంచి పొంచివున్న ముప్పు

బ్రిటన్ ప్రధానమంత్రి రేసులో భారత సంతతి మూలాలున్న ఆ దేశ మాజీ ఆర్థిక మంత్రి రిషి సునక్ దూసుకుపోతున్నారు. అయితే ఇపుడు అనూహ్యంగా ఆయనకు అడ్డుకట్ట వేసేందుకు ఓ మహిళ తెరపైకి వచ్చారు. ఆమె పేరు లిజ్ ట్రస్. ఆమె అచ్చం మార్గరెట్ థాచర్ ఆహార్యాన్ని కలిగివుంటారు. దీంతో ఆమెను అందరూ మార్గరెట్ థాచర్ 2.Oగా పిలుస్తుంటారు. 

ప్రస్తుతం ఈమె బ్రిటన్ విదేశాంగ సెక్రటరీగా విధులు నిర్వహిస్తున్నారు. బ్రిటన్ ప్రధానమంత్రి ఎంపిక చివరి దశలో కన్జర్వేటివ్ పార్టీ నుంచి రిషి సునక్‌కు లిజ్ ట్రస్ గట్టి పోటీని ఇస్తున్నారు. ఈమె 1996 నుంచి ఆ పార్టీలో వివిధ హోదాల్లో పని చేశారు. 2010 నుంచి పార్లమెంట్ సభ్యురాలిగా వ్యవహరిస్తున్నారు పెన్షన్లు, ఆరోగ్యం, ఉద్యోగ భద్రతలకు సంబంధించి అక్కడి వ్యాపారులు, ఉద్యోగులు నేషనల్ ఇన్సూరెన్స్‌ కింద పన్ను చెల్లిస్తుంటారు.

తాను ప్రధాని అయితే, ఈ పన్ను రద్దు చేస్తానని ఆమె హామీ ఇచ్చారు. దీంతో ఆమెకు ఒక్కసారిగా ఆదరణ పెరిగింది. ఈ రేసులో రిషి సునక్‌ను వెనక్కినెట్టి ఆమె విజయం సాధిస్తే బ్రిటన్ ప్రధాని బాధ్యతలను చేపట్టే మూడో మహిళ అవుతారు.