పాకిస్థాన్ ప్రేరేపిత ఉగ్ర చర్యలతో ప్రపంచానికి ముప్పు : అమెరికా పెంటగాన్

పాకిస్థాన్ ప్రేరేపిత ఉగ్రవాదంపై అమెరికా రక్షణ కార్యాలయం పెంటగాన్ ఆసక్తికర వ్యాఖ్యలు చేసింది. ఈ తరహా ఉగ్ర చర్యల కారణంగా ప్రంపంచానికి పెను ముప్పు అని పేర్కొంది. పాకిస్థాన్ కేంద్రంగా సాగుతున్న ఉగ్రవాదుల

పాకిస్థాన్ ప్రేరేపిత ఉగ్రవాదంపై అమెరికా రక్షణ కార్యాలయం పెంటగాన్ ఆసక్తికర వ్యాఖ్యలు చేసింది. ఈ తరహా ఉగ్ర చర్యల కారణంగా ప్రంపంచానికి పెను ముప్పు అని పేర్కొంది. పాకిస్థాన్ కేంద్రంగా సాగుతున్న ఉగ్రవాదుల కార్యకలాపాలతో ఆ దేశ ప్రజలకే మాత్రమే కాకుండా, బయటి దేశాలకూ ముప్పేనని వ్యాఖ్యలు చేసింది. 

ఇదే అంశంపై పెంటగాన్ ప్రెస్ సెక్రటరీ పీటర్ కుక్ స్పందిస్తూ ప్రపంచాన్ని వణికిస్తున్న ఉగ్రవాదాన్ని తుదముట్టించడానికి పాక్ చేయాల్సింది ఎంతో ఉందని వ్యాఖ్యానించింది. పాకిస్థాన్‌తో అమెరికా సంబంధాలు కొనసాగడంపై కౌంటర్ టెర్రరిజంపై ఆ దేశపు వైఖరే కీలక పాత్ర పోషించనుందన్నారు.

తీవ్రవాదం సమస్య నుంచి తన దేశ ప్రజలను కాపాడుకునేందుకు పాక్ ప్రభుత్వం పని చేయాలని కోరారు. ఉగ్రవాదాన్ని రూపుమాపేందుకు పాక్ చేస్తున్న చర్యలను ప్రస్తావించిన ఆయన, ఇంకా మరింతగా కృషి చేయాల్సి ఉందన్నారు.