Webdunia - Bharat's app for daily news and videos

Install App

వాంతితో తడిసిన సీట్లు... కూర్చోబోమన్న ప్రయాణికులు.. దించేసిన ఎర్ కెనడా సిబ్బంది

Webdunia
గురువారం, 7 సెప్టెంబరు 2023 (14:51 IST)
ఇద్దరు ప్రయాణికులకు ఓ వింత అనుభవం ఎదురైంది. ఎయిర్ కెనడా విమానంలో వారికి ఈ అనుభవం ఎదురైంది. ఎవరో ప్రయాణికులు వాంతి చేసుకోవడంతో సీట్లు తడిసిపోయాయి. ఈ సీట్లలో ఇద్దరు ప్రయాణికులను విమాన సిబ్బంది కూర్చోవాలని సూచించగా, అందుకు ఆ ప్రయాణికులు నిరాకరించారు. సియాటెల్ నుంచి మాంట్రియేల్‌కు వెళ్లే విమానంలో ఈ దారుణ ఘటన జరిగింది. దీని గురించి బాధిత ప్రయాణికులు కాకుండా ఆ విమానంలో ఉన్న మరో ప్రయాణికుడు బెన్సన్ తన ట్విట్టర్ ఖాతా వేదికగా సోషల్ మీడియాలో షేర్ చేశాడు. 
 
ఆ ఇద్దరు ప్రయాణికులు కూర్చోవాల్సిన సీట్ల నుంచి దుర్వాసన వచ్చిందని, అదేంటో మొదట తమకు అర్థం కాలేదని బెన్సన్ చెప్పారు. అంతకుముందు ఆ సీట్లలో కూర్చున్న వారెవరో వాంతి చేసుకుని ఉంటారని, దాన్ని కప్పిపుచ్చేందుకు సిబ్బంది చేసిన ప్రయత్నాలేవీ ఫలించలేదని తెలిపారు. సీట్లు తడిగా ఉండటంతో పాటు వాటి పక్కను వాంతి మరకలు ఉన్నాయని చెప్పారు. వాసన రాకుండా ఉండేందుకు సిబ్బంది అక్కడ సెంటుకొట్టారని ఆ సీట్లలో కూర్చోటానికి వీలులేకుండా ఉండటంతో ఆ ఇద్దరు ప్రయాణికులు తమకు వేరే సీట్లు కేటాయించాలని సిబ్బందిని కోరారు. 
 
తమ సమస్యను మర్యాదగానే చెప్పినా నిక్కచ్చిగా వ్యవహరించారని బెన్సన్ తెలిపారు. కానీ, ఈ విషయంలో తామేమీ చేయలేమని ఫ్లైట్ అటెండెంట్లు నిస్సహాయత వ్యక్తం చేశారు. మిగతా సీట్లలో ప్రయాణికులు ఉన్నారని పేర్కొన్నారు. ఈ క్రమంలో వారి మధ్య వాగ్వాదం మొదలు కావడంతో జోక్యం చేసుకున్న పైలట్ విమానం దిగిపోవాలని ఆ ఇద్దరినీ ఆదేశించాడు. 
 
లేకపోతే మరో విమానంలోనే ప్రయాణించేందుకు వీల్లేకుండా వారిని 'నో ఫ్లై' జాబితాలో చేర్చుతానని బెదిరించాడని తెలిపారు. దీంతో తమకు మరో మార్గం లేకపోవడంతో ఆ ఇద్దరు ప్రయాణికులు విమానం దిగి వెళ్లిపోయారని బెన్సన్ వెల్లడించారు. కాగా, ఈ ఘటనపై సమీక్ష జరపుతున్నామని ఎయిర్ కెనడా స్పందించింది. నిబంధనల ఉల్లంఘన జరిగిందని అంగీకరించి, విచారణ తర్వాత బాధ్యులపై చర్యలు తీసుకుంటామని తెలిపింది. 

సంబంధిత వార్తలు

అన్నీ చూడండి

టాలీవుడ్ లేటెస్ట్

Naveen Chandra: 28°C సినిమా షూటింగ్ కష్టాలతో పుస్తకం రాబోతోంది

Parada: అనుపమ పరమేశ్వరన్ పరదా నుంచి మా అందాల సిరి సాంగ్

Comedian Ali: కమెడియన్ అలీ కూడా బెట్టింగ్ యాప్‌‌లో చిక్కుకున్నారా?

Uday Raj: 1990 నాటి టీనేజ్ లవ్ స్టోరీతో మధురం చిత్రం

Aamani : డొక్కా సీతమ్మ తో ఆమని కి అవార్డు రావాలి: మురళీ మోహన్

అన్నీ చూడండి

ఆరోగ్యం ఇంకా...

వేసవి ఎండల్లో ఈ 9 పండ్ల రసాలు తాగితే?

రక్తంలో హిమోగ్లోబిన్ స్థాయి తగ్గితే?

మనసే సుగంధం తలపే తీయందం

మెదడుకి అరుదైన వ్యాధి స్టోగ్రెన్స్ సిండ్రోమ్‌: విజయవాడలోని మణిపాల్ హాస్పిటల్ విజయవంతంగా చికిత్స

సాంబారులో వున్న పోషకాలు ఏమిటి?

తర్వాతి కథనం
Show comments