నైజీరియాలో, ఇస్తాంబుల్‌లో జంట పేలుళ్లు.. 80 మందికి పైగా మృతి

నైజీరియాలో టెర్రరిస్టులు మళ్లీ పెచ్చరిల్లిపోయారు. మారణహోమం సృష్టించారు. రద్దీగా ఉన్న ఓ మార్కెట్‌లో ఇద్దరు మహిళలు ఆత్మాహుతి దాడి చేశారు. ఈ దాడిలో 45 మంది మృతి చెందారు. 33 మందికి గాయాలపాలయ్యారు. ఈ దాడిక

నైజీరియాలో టెర్రరిస్టులు మళ్లీ పెచ్చరిల్లిపోయారు. మారణహోమం సృష్టించారు. రద్దీగా ఉన్న ఓ మార్కెట్‌లో ఇద్దరు మహిళలు ఆత్మాహుతి దాడి చేశారు. ఈ దాడిలో 45 మంది మృతి చెందారు. 33 మందికి గాయాలపాలయ్యారు. ఈ దాడికి పాల్పడినది బోకోహారమ్‌కు చెందిన ఉగ్రవాదులుగా గుర్తించారు. 

మరోవైపు టర్కీ ముఖ్యనగరమైన ఇస్తాంబుల్‌లో జంట పేలుళ్లు సంభవించాయి. ఈ ఘటనలో 30 మంది దుర్మరణం చెందారు. మరో 180 మంది తీవ్రంగా గాయపడ్డారు. శనివారం రాత్రి ఈ పేలుళ్లు సంభవించాయి. మృతుల్లో ఎక్కువమంది పోలీసులు ఉన్నట్లు సమాచారం. పోలీసులే లక్ష్యంగా ఈ దాడులు జరిపినట్లు తెలియవచ్చింది. తొలి పేలుడు ఫుట్‌బాల్‌ స్టేడియం బయట జరగగా.. రెండోది ఓ పార్క్‌ ఆవరణలో జరిగినట్లు సమాచారం. 

ఫుట్‌బాల్‌ మ్యాచ్‌ అనంతరం అభిమానులంతా ఇళ్లకు చేరుకున్న తర్వాత పేలుడు సంభవించడంతో ప్రాణనష్టం తగ్గిందని అధికారులు భావిస్తున్నారు. సహాయక చర్యలు కొనసాగుతున్నాయి. క్షతగాత్రులను వివిధ ఆస్పత్రులకు తరలించారు. మృతుల సంఖ్య పెరిగే అవకాశం ఉన్నట్లు తెలుస్తోంది.