అమెరికాలోని ఫ్లోరిడాలో దారుణమైన ఘటన జరిగింది. గత మంగళవారం జరిగిన ఈ ఉదంతం ఆలస్యంగా వెలుగులోనికి వచ్చింది. జిచెన్ యాంగ్ అనే 21 ఏళ్ల యువకుడు, న్హు క్విన్ ఫామ్ అనే యువతిని పెళ్లి చేసుకున్నాడు. ఏం జరిగిందో కానీ.. ఆమె ఇంట్లో చనిపోయింది.
కొన్నిరోజులుగా జిచేన్ యాంగ్ ఇంటి నుంచి బైటకు రావడం లేదు. ఇంటి చుట్టుపక్కల వారు అనుమానంగా చూశారు. ఇంట్లో నుంచి భరించలేని దుర్వాసన వస్తుంది. ఈ క్రమంలో వారు పోలీసులకు ఫిర్యాదు చేశారు. దీంతో పోలీసులు వారి ఇంట్లోకి ప్రవేశించారు.
అప్పుడు ఆమె రక్తపు మడుగులో బాత్రూంలోని టబ్‌లో ఉండటాన్ని పోలీసులు గుర్తించారు. జిచెన్‌ను అదుపులోనికి తీసుకుని విచారించారు. ఈ క్రమంలో జిచేన్ చెప్పిన విషయాలు విని అధికారులు షాక్ కు గురయ్యారు. తన భార్యను గత మంగళ వారం చంపినట్లు అంగీకరించాడు.
ఆమెను మెడ కోసి, నీటి టబ్‌లో వేశానని తెలిపాడు. ఆ తర్వాత.. భార్యకు ఇష్టమైన పాటను ప్లేచేశానని తెలిపాడు. ఇంకా చెప్పలేని పనులు చేశానని కూడా పోలీసులతో అన్నాడు. దీంతో పోలీసులు నిందితుడిని అరెస్ట్ చేశారు.