మహిళను సీక్రెట్‌గా వీడియో తీశాడు.. ఆమె ఏం చేసిందో తెలుసా? (video)
సింగపూర్ మెట్రో రైలులో ఓ మహిళను సీక్రెట్‌గా వీడియో తీసిన కీచకుడిని పోలీసులు అరెస్ట్ చేశారు. శనివారం ఔట్రామ్ స్టేషన్ నుంచి హార్బర్ ఫ్రంట్ వెళ్తుండగా, పైకి హుందాగా కనబడుతున్న ఓ వ్యక్తి అదే రైలు ఎక్కాడు.
సింగపూర్ మెట్రో రైలులో ఓ మహిళను సీక్రెట్‌గా వీడియో తీసిన కీచకుడిని పోలీసులు అరెస్ట్ చేశారు. శనివారం ఔట్రామ్ స్టేషన్ నుంచి హార్బర్ ఫ్రంట్ వెళ్తుండగా, పైకి హుందాగా కనబడుతున్న ఓ వ్యక్తి అదే రైలు ఎక్కాడు. బోగీ మొత్తం ఖాళీగానే ఉన్నప్పటికీ సరిగ్గా ఓ మహిళ ఎదురుగా వెళ్లి కూర్చున్నాడు. మెల్లగా సెల్‌ఫోన్ తీసి సీక్రెట్‌గా సదరు మహిళను వీడియో తీయడం మొదలెట్టాడు.
పైకి మాత్రం ఏమీ తెలియనట్లుగా దిక్కులు చూస్తున్నప్పటికీ.. ఆ కీచకుడు చేస్తున్న పనిని అతడి వెనుక ఉన్న కిటికీ అద్దంలో కనిపించడంతో సదరు మహిళ అప్రమత్తమైంది. దీంతో ఆ మహిళ తెలివిగా వ్యవహరించింది. తనను వీడియో తీస్తున్న సంగతిని గుర్తించి.. తన ఫోనులో అతడికి తెలియకుండానే వీడియో తీసింది.
ఈ వ్యవహారం మొత్తాన్ని వీడియో తీసి ఆమె తన ఫేస్‌బుక్‌ ఖాతాలో పోస్టు చేసింది. కేవలం రెండు రోజుల్లోనే 50 లక్షల మంది ఈ వీడియో వీక్షించారు. దీంతో పోలీసులకు కూడా ఫిర్యాదు చేయడంతో క్షమించు తల్లీ నువ్వు నా చెల్లెలాంటి దానివని చెప్పి తప్పించుకున్నాడట.