ఆ ఇంట్లో గాజు సీసాలు.. వాటిలో పేగు తెగని శిశువులు.. ఎక్కడ?

జపాన్‌లోని ఓ గృహంలో దిగ్భ్రాంతికి గురిచేసే విషయాలు వెలుగులోకి వచ్చాయి. వివరాల్లోకి వెళితే.. జపాన్ నగరంలోని ఓ గృహానికి మరమ్మత్తు పనులు జరుగుతున్నాయి. ఆ సమయంలో ఇంటి నేలకు కింద పూడ్చిపెట్టబడిన గాజు సీసాల

జపాన్‌లోని ఓ గృహంలో దిగ్భ్రాంతికి గురిచేసే విషయాలు వెలుగులోకి వచ్చాయి. వివరాల్లోకి వెళితే.. జపాన్ నగరంలోని ఓ గృహానికి మరమ్మత్తు పనులు జరుగుతున్నాయి. ఆ సమయంలో ఇంటి నేలకు కింద పూడ్చిపెట్టబడిన గాజు సీసాల్లో శిశువుల మృతదేహాలుండటంతో అందరూ షాకయ్యారు. జపాన్, టోక్యానగరంలో జరిగిన ఈ ఘటన స్థానికంగా కలకలం రేపింది. 

టోక్యాలో గత మూడేళ్ల పాటు ఎవ్వరూ ఉపయోగించని ఓ డాక్టర్ గృహాన్ని ఓ వ్యక్తి కొనుగోలు చేశాడు. కొనుగోలు చేసిన ఆనందంలో ఇంటికి మరమ్మతు పనులు చేపట్టాడు. ఈ క్రమంలో మరమ్మత్తు పనుల్లో నిమగ్నమైన కార్మికులు నేలకు కింద పూడ్చిన గాజు సీసాలను వెలికి తీశారు.

ఆ గాజు సీసాల్లో పేగు కూడా తెగని శిశువుల మృతదేహాలుండటాన్ని చూసి షాక్ అయ్యారు. ఈ విషయాన్ని పోలీసులకు తెలియజేశారు. దీంతో పోలీసులు రంగంలోకి దిగి గాజు సీసాలను స్వాధీనం చేసుకుని దర్యాప్తు చేపట్టారు. శిశువుల మృతదేహాలను ఎవరు అలా ప్రిజర్వ్ చేశారనే దానిపై జపాన్ పోలీసులు తీవ్రస్థాయిలో విచారణ జరుపుతున్నారు.