ఐసిస్కు ఆ అగ్గి పిడుగంటే హడల్.. ఆమె ప్రాణానికి ఖరీదెంతో తెలుసా? రూ.6.8 కోట్లు..?
ఐసిస్ అంటేనే ప్రపంచ దేశాలంతా వణికిపోతున్న సంగతి తెలిసిందే. అయితే అగ్గిపిడుగులాంటి అమ్మాయి మాత్రం ఐసిస్ టెర్రరిస్టులను చంపడం చాలా తేలిక అంటోంది. ఇరాన్‌లో పుట్టి డెన్మార్క్‌లో శరణార్థిగా జీవితం ప్రారంభి
ఐసిస్ అంటేనే ప్రపంచ దేశాలంతా వణికిపోతున్న సంగతి తెలిసిందే. అయితే అగ్గిపిడుగులాంటి అమ్మాయి మాత్రం ఐసిస్ టెర్రరిస్టులను చంపడం చాలా తేలిక అంటోంది. ఇరాన్‌లో పుట్టి డెన్మార్క్‌లో శరణార్థిగా జీవితం ప్రారంభించిన ఆ బాలిక.. రణతంత్రం ఎరిగిన శక్తిగా ఎదిగింది. ఐసిస్ ఉగ్రమూకలకు కొరకరాని కొయ్యగా మారింది.
జోన్న పలని అంటేనే ఐసిస్ టెర్రరిస్టుల కన్నుల్లో నిద్రలేకుండా పోతోంది. ఎప్పుడూ రైఫిల్స్‌తో రఫ్‌గా కనిపించే ఈ భామ సోషల్ మీడియాలో మాత్రం స్మార్ట్‌గా కనిపిస్తుంటుంది. ఫేస్‌బుక్‌లో అందమైన ఫొటోలు అప్‌లోడ్‌ చేస్తుంటుంది. తనను ఇన్‌స్పైర్ చేసిన వ్యక్తులు ఇద్దరు.. ఒకరు బరాక్ ఒబామా.. మరొకరు జోన్న పలని అని అమెరికా అధ్యక్ష ఎన్నికల విజేత డోనాల్డ్‌ ట్రంప్‌ కామెంట్‌ చేశాడంటూ ఓ ఫొటో ఆమె ఫేస్‌బుక్‌లో కనిపిస్తుంది.
రెండేళ్ల పోరాటం తర్వాత 15 రోజుల వెకేషన్‌పై కోపెన్‌హెగన్‌లోని ఇంటికి చేరుకున్నానని.. అక్కడికొచ్చాక పాస్ పోర్టు వాలిడిటీ లేదని, శరణార్థుల నియమాలు ఉల్లంఘించారని డెన్మార్క్ పోలీసులు అరెస్ట్ చేశారని చెప్పింది. నిబంధనలు, చట్టాల పేరిట కొన్నేళ్ల పాటు జైలులో ఉండొచ్చు.
కానీ నిరాశ చెందాల్సిన అవసరం లేదని.. కొందరు మెరికల్లాంటి అమ్మాయిలను తయారు చేశానని తెలిపింది. ఇక జోన్న అంటే ఐసిస్కు హడల్. ఎంతలా అంటే ఆమె ప్రాణానికి ఖరీదు కట్టేంత. ఆమెను చంపిన వారికి 6.8 కోట్ల రూపాయలు ఇస్తామని ప్రకటించారు.