ఆస్ట్రేలియా మాజీ ప్రధానమంత్రి గాఫ్ వైట్ లామ్ మంగళవారం కన్నుమూశారు. ఆయనకు వయస్సు 98 యేళ్లు. 1972 ప్రాంతాల్లో ఆస్టేలియా ప్రధానిగా పని చేసిన గాఫ్ మృతి పట్ల దేశ పార్లమెంట్ సభ్యులతో పాటు ప్రస్తుత ప్రధాని టోనీ అబాట్ ప్రగాఢ సానుభూతిని వ్యక్తం చేశారు.
1972 డిసెంబర్ 5వ తేదీన ప్రధాని పగ్గాలు చేపట్టిన ఆయన మూడు సంవత్సరాల పాటు పని చేశారు. ఆయన 1967 నుంచి 1977 వరకూ లేబర్ పార్టీ నాయకుడిగా పని చేశారు. ఆస్ట్రేలియా 21 ప్రధానిగా పనిచేసిన గాఫ్ గత కొన్ని నెలలుగా తీవ్రమైన అనారోగ్యంతో బాధపడుతూ వచ్చి కన్నుమూశారు.