ఆల్బర్ట్ ఐన్స్టీన్ ప్రపంచ ప్రసిద్ధ విజ్ఞాన శాస్త్రవేత్త అని ప్రతి ఒక్కరికి తెలుసు. కానీ ఆయన గురించి అంతగా తెలియని మరో ముఖ్యమైన అంశం కూడా ఉంది. ఆయన యుద్ధాన్ని, జాతి వివక్షతను, తీవ్రంగా వ్యతిరేకించారు.
ఆల్బర్ట్ ఐన్స్టీన్ ప్రపంచ ప్రసిద్ధ విజ్ఞాన శాస్త్రవేత్త అని ప్రతి ఒక్కరికి తెలుసు. కానీ ఆయన గురించి అంతగా తెలియని మరో ముఖ్యమైన అంశం కూడా ఉంది. ఆయన యుద్ధాన్ని, జాతి వివక్షతను, తీవ్రంగా వ్యతిరేకించారు. ప్రపంచశాంతి ఉద్యమంలో ప్రముఖ పాత్రను సైతం పోషించారు. మేథస్సులో ఐన్స్టీన్ను మించిన మేథావి ఈ భూ ప్రపంచంలోనే లేరు. గణిత, భౌతిక శాస్త్రాలకు సంబంధించి ఎన్నో కొత్త సిద్ధాంతాలను సృష్టించి చరిత్ర సృష్టించారు.
అలాంటి నోబెల్ గ్రహీత, భౌతిక శాస్త్రవేత ఐన్స్టీన్ 1930లో ధరించిన జాకెట్ వేలాన్ని లండన్లో నిర్వహించారు. ఈ జాకెట్ని ప్రముఖ దుస్తుల సంస్థ లెవిస్ రూ.98 లక్షలకు పైగా పెట్టి తన వశం చేసుకుంది. అంత పెట్టి సొంతం చేసుకున్నారంటే ఆ జాకెట్ కున్న క్రేజ్ ఏంటో ఇట్టే అర్థమవుతుంది. 1930ల్లో ఐన్స్టీన్ ఎక్కువగా ఈ కోటునే ధరించేవారట.
అప్పట్లో ఐన్స్టీన్ దిగిన చాలా ఫోటోల్లో చాలా వరకు ఈ జాకెట్తోనే ఉన్నాయి. ఈ జాకెట్కి ఒక చరిత్రే ఉంది. అదేంటంటే..''హిట్లర్ పరిపాలన నుంచి విముక్తుడిగా కావాలని ఐన్స్టీన్ జర్మనీ నుంచి అమెరికాకు వెళ్లిన తర్వాత ఐన్స్టీన్ ఈ జాకెట్ను కొనుగోలు చేశారట''. అమెరికాతోపాటు వివిధ దేశాల్లో వేదికలపై ప్రసంగాలను ఇచ్చేటప్పుడు ఇదే జాకెట్తోనే ఇచ్చేవారట. అదండీ సంగతి.