డోనాల్డ్ ట్రంప్ దూకుడు.. అమెరికా - రష్యాల మధ్య అణుయుద్ధం.. ఆమె ఏమంటోంది?

సిరియా వ్యవహారం అమెరికా, రష్యాల మధ్య ఉద్రిక్త వాతావరణం నెలకొనేలా చేసింది. దీంతో ఈ రెండు దేశాల మధ్య అణు యుద్ధం జరిగే అవకాశం ఉందని అమెరికా కాంగ్రెస్‌కు ఎంపికైన తొలి హిందూ మహిళ, డెమొక్రాట్‌ తులసీ గబార్డ్

సిరియా వ్యవహారం అమెరికా, రష్యాల మధ్య ఉద్రిక్త వాతావరణం నెలకొనేలా చేసింది. దీంతో ఈ రెండు దేశాల మధ్య అణు యుద్ధం జరిగే అవకాశం ఉందని అమెరికా కాంగ్రెస్‌కు ఎంపికైన తొలి హిందూ మహిళ, డెమొక్రాట్‌ తులసీ గబార్డ్ అభిప్రాయపడుతున్నారు. ఈ పరిస్థితి ఉత్పన్నం కావడానికి అమెరికా అధ్యక్షుడు డోనాల్డ్ ట్రంప్ అనుసరిస్తున్న వైఖరే ప్రధాన కారణమని ఆమె ఆరోపిస్తున్నారు.

తిరుగుబాటుదారుల శిబిరాలపై సిరియా అధ్యక్షుడు ఆదేశాలతో ఆ దేశ సైన్యం రసాయన దాడులు జరిపింది. ఈ దాడుల్లో 80 మంది చిన్నారులు ప్రాణాలు కోల్పోగా, మరికొంతమంది తీవ్ర అస్వస్థతకు లోనయ్యారు. ఈ రసాయన దాడికి ప్రతిగా షైరత్ వైమానిక స్థావరంపై అమెరికా శుక్రవారం క్షిపణులతో క్షిప‌ణుల‌తో దాడి చేసింది. ఈ దాటులపై పలు దేశాల నుంచి విమ‌ర్శ‌లు వ‌స్తున్నాయి. 

తాజాగా ఈ చ‌ర్య‌పై హవాయిన్‌ ప్రాంతం నుంచి అమెరికా కాంగ్రెస్‌కు ఎంపికైన తొలి హిందూ మహిళ, డెమొక్రాట్‌ తులసీ గబార్డ్ స్పందించారు. ఈ దాడిని ఎలాంటి ముందస్తు ఆలోచన లేకుండా నిర్లక్ష్యపూరితంగా చేశార‌ని అన్నారు. 

ఈ దాడులు జ‌రిపితే త‌ద‌నంత‌రం జ‌రిగే ప‌రిణామాలపై ఎవ‌రినీ సంప్ర‌దించ‌కుండానే డొనాల్డ్ ట్రంప్ ఈ చ‌ర్య‌కు దిగార‌ని అన్నారు. అసలు ఇటీవ‌ల‌ సిరియాలో జరిగింది ర‌సాయ‌న‌ దాడులా? కాదా? అని కూడా నిర్ధారించుకోకుండానే క్షిప‌ణిదాడులు నిర్వ‌హించార‌ని విమ‌ర్శించారు.

ఈ చ‌ర్య అల్‌ఖైదా ఉగ్ర సంస్థ‌ను మరింత బలోపేతం చేసేలా ఉంద‌ని అన్నారు. సిరియాలో ఎంతో మంది శ‌రణార్థులుగా మారే ప‌రిస్థితులు తెచ్చార‌ని అన్నారు. అంతేగాక‌, అమెరికా, రష్యా మధ్య అణుయుద్ధం కూడా జరిగే అవకాశం ఉంద‌ని తులసీ గబార్డ్ అన్నారు.