ట్రంప్ కుమార్తె ఇవాంక బ్రాండ్ ఉత్పత్తుల్ని విక్రయించేది లేదు: నార్డ్‌స్ట్రూమ్

అమెరికా అధ్యక్షుడు డొనాల్డ్ ట్రంప్ విధానాలతో ఆయన కుమార్తెకు నార్డ్‌స్ట్రూమ్ సూపర్ మార్కెట్ చుక్కలు చూపించింది. డొనాల్డ్ ట్రంప్ కుటుంబ సభ్యుల వ్యాపారంపై ప్రస్తుతం చర్చ సాగుతోంది. దీనికి సంబంధించి డొనాల

అమెరికా అధ్యక్షుడు డొనాల్డ్ ట్రంప్ విధానాలతో ఆయన కుమార్తెకు నార్డ్‌స్ట్రూమ్ సూపర్ మార్కెట్ చుక్కలు చూపించింది. డొనాల్డ్ ట్రంప్ కుటుంబ సభ్యుల వ్యాపారంపై ప్రస్తుతం చర్చ సాగుతోంది. దీనికి సంబంధించి డొనాల్డ్ ట్రంప్ ట్విట్టర్లో స్పందించారు. దీనిని తప్పుపడుతూ డొనాల్డ్ ట్రంప్‌ బుధవారం ట్వీట్‌ చేశారు. తన కుమార్తె ఇవాంక ట్రంప్‌ చెందిన ఓ బ్రాండ్‌ ఉత్పత్తులను ఇక విక్రయించకూడదని నార్డ్‌స్ట్రూమ్‌ సూపర్‌ మార్కెట్‌ నిర్ణయించడంపై ట్రంప్ అసంతృప్తి వ్యక్తం చేశారు.

'ఇవాంకాతో నార్డ్‌స్ట్రూమ్‌ అన్యాయంగా వ్యవహరించిందని.. దారుణమన్నారు. ఇవాంక చాలా గొప్ప మనిషి అని.. తనను ఎప్పుడు సరైన పనులు చేసేట్లు ప్రోత్సహించిందని ట్రంప్ ట్వీట్ చేశారు. దీనిపై నార్డ్‌స్ట్రూమ్‌ బుధవారం వివరణ ఇచ్చింది. విక్రయాల ఆధారంగానే ఇంవాంక బ్రాండ్‌ను నిలిపివేశామని.. రాజకీయ కారణాలతో కాదని పేర్కొంది. 

ట్రంప్‌ ట్విటర్‌లో తమ కుటుంబ వ్యవహారాలు రాయటంపై సోషల్‌మీడియాలో విమర్శలు చెలరేగాయి. దీనిపై శ్వేతసౌధ ప్రతినిధి సియాన్‌ స్పైసర్‌ వివరణ ఇచ్చారు. తన కుటుంబానికి అండగా ఉండే హక్కు ట్రంప్‌కు ఉందన్నారు.