కంప్యూటర్ గేమ్స్‌ ఆడుతుంటే ఆటంకం కలిగించిందనీ రెండేళ్ళ కుమార్తెను హత్య చేసిన తండ్రి!

అమెరికాలోఓ వింత దారుణం చోటుచేసుకుంది. కంప్యూటర్ గేమ్స్ ఆడుకుంటుండగా తనకు ఆటంకం కలిగించిదన్న కోపంతో ఓ 31 ఏళ్ల తండ్రి తన రెండేళ్ల కూతురి గొంతునులిమి ఊపిరి ఆడకుండా దారుణంగా హత్య చేశాడు. ఈ వివరాలను పరిశీలిస్తే... ఉత్తర టెక్సాస్‌కు చెందిన అంథోని మైఖేల్ సాండర్స్‌కు ఎల్లీ శాండర్స్ అనే తన రెండేళ్ల కూతురు, ఐదేళ్ల కుమారుడు ఉన్నారు. వీరద్దరి బాధ్యతలను తనే చూసుకుంటున్నాడు.

మైఖేల్ కంప్యూటర్ గేమ్‌లో లీనమై ఉన్న సమయంలో అక్కడికి వచ్చిన చిన్నారి అతడిని డిస్ట్రబ్ చేసింది. అందుకే అతడు కొట్టడమే కాకుండా ఊపిరాడకుండా చేసి చంపేసి ఉంటాడని పోలీసులు చెపుతున్నారు. పోస్టుమార్టం నివేదిక కూడా ఆ పాపకు శ్వాస ఆడకచనిపోయిందని, రెండుమూడు గాయాలు కూడా ఉన్నాయని తేలినట్టు వివరించారు. సంఘటన జరిగిన సమయంలో భార్య ఇంటిలో లేదు. తన భార్య ఒక ఆర్ట్ షోకు వెళ్లినప్పుడు అతడు ఈ దారుణానికి పాల్పడినట్టు తెలుస్తోంది.