ఏడేళ్లు సహజీవనం చేసి, పెళ్లికి సిద్ధమైనా, అతని ప్రవర్తనతో విసిగి వదిలేశానని జర్మనీ విమానాన్ని ఫ్రాన్స్లోని ఆల్ఫ్స్ పర్వతాల్లో ఉద్దేశపూర్వకంగా కూల్చేసిన కో పైలెట్ ఆండ్రియాస్ లూబిడ్జ్ మాజీ గర్ల్ ఫ్రెండ్ శుక్రవారం రాత్రి జర్మన్ పత్రిక 'బ్లిండ్'కు తెలియజేసింది. చట్ట నిబంధనల మేరకు ఆమె పేరును, పూర్తి వివరాలను ఆ పత్రిక వెల్లడించలేదు.
అతని ప్రవర్తన సక్రమంగా ఉండేది కాదని, రాత్రిళ్లు పీడకలలు భయపెట్టినట్టుగా హులిక్కిపడి నిద్రలేచి 'పడిపోతున్నాం... కిందకు పడిపోతున్నాం' అంటూ అరిచేవాడని ఆమె చెప్పారు. విమానం కూలిపోయిన వార్త తెలిసేంతవరకు అతని మనసులో ఉన్న ఉద్దేశం ఏమిటో తనకు అర్థం కాలేదని ఆమె అన్నారు.
తాను మానసిక వ్యాధితో బాధ పడుతున్నట్టు లూబిడ్జ్ తనకు ఎన్నడూ చెప్పలేదని తెలిపింది. డసెల్డార్ఫ్ శివారులోని ఓ ఇంట్లో లూబిడ్జ్తో కలిసి ఏడేళ్లపాటు సహజీవనం చేసి, వచ్చే ఏడాది పెళ్లి చేసుకోవాలని నిర్ణయించుకున్నప్పటికీ, అతని ప్రవర్తన కారణంగా విడిపోయినట్లు తెలిపింది.
కాగా లూబిడ్జ్ ప్రవర్తన గురించి క్షున్నంగా తెలుసుకునేందుకు అతని గర్ల్ ఫ్రెండ్ను జర్మనీ పోలీసులు సుదీర్ఘంగా ఇంటర్వ్యూ చేయాలనుకుంటున్నారు. అప్పుడు మరిన్ని వివరాలు వెలుగులోకి రావచ్చునని పోలీసులు అనుకుంటున్నారు.