సినీ స్టైల్‌లో పెళ్లి.. దారిలో ఉన్నారని.. వివాహతంతు ముగించేశాడు.. కానీ జైలుకెళ్లాడు..

సినీ స్టైల్‌లో పెళ్లి చేసుకున్నాడు. అయితే అతనికి జైలు తప్పలేదు. వివరాల్లోకి వెళితే.. చైనాకు చెందిన వాంగ్ అనే యువకుడు ప్రియురాలిని వివాహం చేసుకోవాలనుకున్నాడు. అయితే ప్రియురాలిని పెళ్లి చేసుకునేందుకు ఆమ

సినీ స్టైల్‌లో పెళ్లి చేసుకున్నాడు. అయితే అతనికి జైలు తప్పలేదు. వివరాల్లోకి వెళితే.. చైనాకు చెందిన వాంగ్ అనే యువకుడు ప్రియురాలిని వివాహం చేసుకోవాలనుకున్నాడు. అయితే ప్రియురాలిని పెళ్లి చేసుకునేందుకు ఆమె తల్లిదండ్రులు ఏమాత్రం ఒప్పుకోలేదు. ప్రియురాలు కూడా వాంగ్ తల్లిదండ్రుల అంగీకారంతోనే తన పెళ్లి జరగాలని తేల్చేసింది.

దీంతో తన తల్లిదండ్రులను ఒప్పించే పూచీ తనదని, తమ వివాహ సమయానికి తీసుకొస్తానని ఆమెకు సర్ది చెప్పి, ఆమెను వివాహానికి ఒప్పించాడు. దీంతో వివాహ ముహూర్తం సమీపించింది. కళ్యాణ మంటపంలో 200 మంది బంధువులు, స్నేహితులు సందడి చేశారు. అయినప్పటికీ వధువు తన అత్తమామలు కనిపించడం లేదంటూ వరుడిని నిలదీసింది. దారిలో ఉన్నారని నమ్మబలికాడు. వివాహతంతు పూర్తయ్యింది. 

ఇంతలో వధువు సోదరికి సరికొత్త విషయం తెలియవచ్చింది. వారి వివాహానికి వచ్చినవారంతా వాంగ్‌కు బంధువులు కారని.. డబ్బులిచ్చి వారిని స్నేహితులుగా, బంధువులుగా హాజరయ్యేలా వాంగ్ చేశాడని తేలింది. దీంతో వధువుతో పాటు ఆమె సోదరి పోలీసులకు ఫిర్యాదు చేయడంతో అతనిని జైలు తప్పలేదు. తమ వివాహానికి తన తల్లిదండ్రులు అంగీకరించలేదని, అందుకే ప్రియురాలి కోసం ఇలా చేయాల్సి వచ్చిందని వాంగ్ వాపోయాడు.