డొనాల్డ్ ట్రంప్‌ హెయిర్ స్టైల్‌తో కూడిన పక్షి.. ''లిటిల్ రెడ్'' సెలబ్రిటీ అయిపోయింది ఎలా?

అమెరికా అధ్యక్ష ఎన్నికల్లో డొనాల్డ్ ట్రంప్ విజయంలో పక్షులు, జంతువుల జోస్యాలు బాగానే పనిచేస్తాయి. చైనా కోతి, చెన్నై చాణక్య చెప్పిన జోస్యం నిజమైన నేపథ్యంలో.. కానీ చైనాలోని ఓ పక్షికి మాత్రం ట్రంప్ గెలుపు

అమెరికా అధ్యక్ష ఎన్నికల్లో డొనాల్డ్ ట్రంప్ విజయంలో పక్షులు, జంతువుల జోస్యాలు బాగానే పనిచేస్తాయి. చైనా కోతి, చెన్నై చాణక్య చెప్పిన జోస్యం నిజమైన నేపథ్యంలో.. కానీ చైనాలోని ఓ పక్షికి మాత్రం ట్రంప్ గెలుపు ఊహించని వరంగా మారింది. అమెరికాలో ట్రంప్ విజయం సాధిస్తే చైనాలో పక్షికి లక్ వచ్చింది. చైనాలోని ‘హంగ్‌జూ సఫారీ పార్క్’లో 5 సంవత్సరాల వయసు కలిగిన ‘లిటిల్ రెడ్’ అనే పక్షి ఉంది. 

చైనాలో ఈ పక్షిని బంగారు వర్ణ నెమలిగా పిలుస్తారు. ఈ పక్షి ఈకల అమరిక, రంగు అచ్చుగుద్దినట్టు డొనాల్డ్ ట్రంప్ హెయిర్ స్టైల్‌ను పోలి ఉన్నాయి. ఈ విషయమే ఆ పక్షి చేసుకున్న అదృష్టంగా మారిందట. పక్షి పోలికలను నిశితంగా పరిశీలించిన ‘పక్షి ఈకల అమరికల నిపుణుడు’ సమాచారాన్ని మీడియాకు తెలిపారు. 

ఈ పక్షిని చూడాలనుకుంటే జూపార్కుకు వచ్చేయండని.. ట్రంప్ హెయిర్ స్టైల్ ఈ పక్షికి ఉందని చైనా మీడియా ప్రచారం చేస్తోంది. దీంతో చైనాలో లిటిల్ రెడ్ సెలబ్రిటీగా మారిపోయింది.