కంబోడియాలో ఓ ఆవు దూడను పెళ్లాడిన 74 ఏళ్ల వృద్ధురాలు.. ఎందుకో తెలుసా?
కంబోడియాలో ఓ ఆవు దూడను 74ఏళ్ల వృద్ధురాలు వివాహం చేసుకుంది. తద్వారా ఆ వృద్ధురాలు, ఆవుదూడ పెళ్ళి సోషల్ మీడియాలో హాట్ టాపిక్ అయ్యింది. వివరాల్లోకి వెళితే.. కంబోడియాలోని క్ర‌టీ ప్రావిన్స్‌కు చెందిన ఖిమ్ హ
కంబోడియాలో ఓ ఆవు దూడను 74ఏళ్ల వృద్ధురాలు వివాహం చేసుకుంది. తద్వారా ఆ వృద్ధురాలు, ఆవుదూడ పెళ్ళి సోషల్ మీడియాలో హాట్ టాపిక్ అయ్యింది. వివరాల్లోకి వెళితే.. కంబోడియాలోని క్ర‌టీ ప్రావిన్స్‌కు చెందిన ఖిమ్ హాంగ్(74) భర్త కొన్ని రోజుల క్రితం మరణించాడట. ఖిమ్ వృద్ధురాలి భర్త మరణించాక.. ఓ ఆవు దూడ జన్మించిందట. ఇక దూడ పుట్టిన కొన్ని రోజుల తర్వాత అప్పడప్పుడు ఇంట్లోకి వస్తుండేదట.
ఆ దూడ అచ్చం తన భర్త చేసే ప‌నుల్లాగ‌నే ఆ దూడ కూడా చేయడంతో.. తన భర్తే మళ్లీ ఆవు దూడ రూపంలో పుట్టాడని నమ్మి.. దాన్ని ఖిమ్ వివాహం చేసుకుంది. ఈ విషయం మెల్లమెల్లగా జనాలకు తెలియడంతో దాన్నిచూసేందుకు జనాలు భారీగా తరలి వస్తున్నారట. 95 శాతం బౌద్ధులు ఉండే కంబోడియా దేశంలో చ‌నిపోయిన వారు మళ్లీ ఏదో ఒక రూపంలో పుడ‌తార‌ని నమ్ముతారు.
ఇక.. తన భర్తే మళ్లీ పునర్జనించాడ‌ని ఆ దూడకు ఓ ఇల్లు కట్టించి.. సపరేటుగా ఆహారాన్ని ఏర్పాటు చేసింది. ఆ ఆవుదూడ నిద్రించేందుకు ఓ పడకను కూడా సిద్ధం చేసింది. తన భర్త ఉప‌యోగించిన పరుపు, దుప్ప‌టినే దానికి ఇచ్చింద‌ట. ఈ వృద్ధురాలి స్టోరీనే ప్రస్తుతం హాట్ టాపిక్ అయ్యింది.