బట్ లిఫ్ట్ సర్జరీ కోసం వెళితే ప్రాణాల మీదికొచ్చింది!

అందంగా కనిపించాలని ప్రతి యువతి ఆశపడుతుంది. ఆ ఆశే యువతి ప్రాణాలకు ముప్పుతెచ్చింది. పూర్తి వివరాలను పరిశీలిస్తే వర్జీనియాకు చెందిన హీతర్ (29) అనే మహిళ ఆకర్షణీయంగా కనిపించాలని కాస్మొటిక్ సర్జరీ చేయించుకోవాలనుకుంది. అందుకోసమే అమెరికా నుంచి మియామీకి బయలుదేరివచ్చింది. బ్రెజీలియన్ బట్ లిఫ్ట్ (పిరుదులు పెద్దగా కనిపించడానికి చేసే సర్జరీ)తో ఆకర్షణీయంగా కనిపించాలనుకుంది. 

''బట్ లిఫ్ట్'' సర్జరీ చేయించుకుంది. కానీ ఆపరేషవ్ విఫలమవ్వడంతో దక్షిణ ఫ్లోరిడాలోని మియామీలో మృతి చెందింది. ఆపరేషన్ సమయంలో గుండెకు రక్త సరఫరా చేసే నాళాల్లో కొవ్వు అడ్డుపడటంతో ఆమె మృతి చెందినట్టు మియామీ-డేడ్ మెడికల్ ఎక్సామినర్లు తెలిపారు. బ్రెజీలియన్ బట్ లిఫ్ట్ పద్దతిలో ముందు లైపోసెక్షన్ ద్వారా ఉదరభాగం నుంచి కొవ్వును తీసి పిరుదుల స్థానంలో ఇంజక్ట్ చేస్తారు. 

సర్జరీ చేస్తున్న సమయంలో కొవ్వు పదార్థాల మార్పిడిలో చోటుచేసుకున్న పొరపాటువల్ల ఆమె అవయవాలు పనిచేయకుండా పోయాయి. దీంతో వెంటనే ఆమెను దగ్గర్‌లోని ఆసుపత్రికి తరలించారు. అయినా ఫలితం లేకపోవడంతో మరణించింది.