తమ దుశ్చర్యలతో ప్రపంచాన్ని వణికిస్తున్న తీవ్రవాద సంస్థల జాబితాలో బోకో హరామ్ కూడా చేరింది. అంతేకాకుండా ఈ సంస్థ తన పేరును ఇస్వాప్‌గా మార్చుకుంది. ఇప్పటికే నైజీరియాలో మారణహోమం సృష్టిస్తున్న బోకో హరామ్‌ను ఐఎస్ఐఎస్ విలీనం చేసుకుంది. దీంతో బోకో హరామ్ తన పేరును ఇస్లామిక్ స్టేట్స్ వెస్ట్ ఆఫ్రికా ప్రావిన్స్ (ఐఎస్‌డబ్ల్యుఏపీ-ఇస్వాప్)గా మారింది.
గత నెలలో ఐఎస్ఐఎస్ ఆధ్వర్యంలో పనిచేసేందుకు తాము సిద్ధమేనని బోకో హరామ్ చీఫ్ అబూ బకర్ షీకూ ప్రకటించిన విషయం తెల్సిందే. వాస్తవానికి బోకో హరామ్ అంటే 'పశ్చిమ దేశాల విద్యను మరచిపోవాలి' అనే అర్థ వస్తుంది. ప్రస్తుతం ఈ ఉగ్ర సంస్థలో 15 వేల మందికిపైగా సభ్యులున్నారు. కాగా, ఈ పేరు మార్పుపై బోకో హరామ్ నుంచి అధికారిక ప్రకటన వెలువడాల్సి ఉంది.