ఆస్ట్రేలియాలో భారతీయ వైద్యులకు షాక్ .. వర్క్ వీసాల జారీ నిలిపివేత

భారతీయ వైద్యులకు ఆస్ట్రేలియా వైద్య ఆరోగ్య శాఖ గట్టి షాకిచ్చింది. స్వదేశీ వైద్యులకు మేలు చేసే నిర్ణయం తీసుకున్న ఆస్ట్రేలియా.. భారతీయ వైద్యులకు ప్రయోజనం చేకూర్చే వర్క్ వీసాల జారీని నిలిపివేసింది. దీంతో

భారతీయ వైద్యులకు ఆస్ట్రేలియా వైద్య ఆరోగ్య శాఖ గట్టి షాకిచ్చింది. స్వదేశీ వైద్యులకు మేలు చేసే నిర్ణయం తీసుకున్న ఆస్ట్రేలియా.. భారతీయ వైద్యులకు ప్రయోజనం చేకూర్చే వర్క్ వీసాల జారీని నిలిపివేసింది. దీంతో భారతదేశ వైద్యుల్లో అయోమయం నెలకొంది. 

విదేశీ వైద్యుల వలసల కార్యక్రమంతో ఆస్ట్రేలియాలో మారుమూల ప్రాంతాల్లో పనిచేసేందుకు వీలుగా శిక్షణ పొందిన వైద్యుల కొరత ఏర్పడిందని, అందువల్ల విదేశీ వైద్యుల వలసలను నిలిపివేయాలని ఆ దేశ మెడికల్ కమ్యూనిటీ సీనియర్ సభ్యుడు ప్రభుత్వాన్ని కోరారు. ఇదే అభిప్రాయాన్ని ఆస్ట్రేలియా దేశ వైద్యశాఖ వ్యక్తం చేస్తూ.. ఈ నిర్ణయం తీసుకుంది.

కాగా, విదేశీ వైద్యుల వలసలపై నిషేధాన్ని ఆస్ట్రేలియన్ మెడికల్ అసోసియేషన్, గ్రామీణ వైద్యుల సంఘాలు స్వాగతించాయి. ఈ ఏడాది మార్చి నాటికి 2,155 మంది జనరల్ ప్రాక్టీషనర్లు, 1562 మంది రెసిడెంట్ మెడికల్ డాక్టర్లు విదేశాల నుంచి ఆస్ట్రేలియాకు వీసాపై వచ్చారని ఆ దేశ ఇమ్మిగ్రేషన్ శాఖ గణాంకాలు వెల్లడిస్తున్నాయి.