ఫ్లైయింగ్ సాసర్ పేలిపోయింది.. ఏలియన్‌ను స్ట్రెచర్‌పై తీసుకెళ్తున్నారు.. (వీడియో)

గ్రహాంతరవాసులున్నారని.. వారి రూపాలు ఇలా వుంటాయని.. ఫోటోలు విడుదలైన సందర్భాలున్నాయి. అయితే ఏలియన్‌ను ఎవరైనా ప్రత్యక్షంగా చూశారా? అంటే లేదనే సమాధానమే వస్తుంది. కానీ తాజాగా గాయపడిన ఏలియన్‌ను స్ట్రెచర్‌పై

గ్రహాంతరవాసులున్నారని.. వారి రూపాలు ఇలా వుంటాయని.. ఫోటోలు విడుదలైన సందర్భాలున్నాయి. అయితే ఏలియన్‌ను ఎవరైనా ప్రత్యక్షంగా చూశారా? అంటే లేదనే సమాధానమే వస్తుంది. కానీ తాజాగా గాయపడిన ఏలియన్‌ను స్ట్రెచర్‌పై తీసుకెళ్తున్న వీడియో ఒకటి సోషల్ మీడియాలో వైరల్ అవుతోంది.

వివరాల్లోకి వెళితే.. 1947లో అమెరికా, మెక్సికోలోని రోస్‌ వెల్‌ ప్రాంతానికి సమీపంలోని 51 అనే ప్రాంతంలో ఓ భారీ పేలుడు సంభవించింది. భారీ బెలూన్‌ వల్ల ఆ ప్రమాదం చోటు చేసుకుందని అమెరికా వెల్లడించింది. 

కానీ మరికొందరైతే ఫ్లైయింగ్ సాసర్ పేలిపోయిందని.. అది ఏలియన్‌‌ల అంతరిక్ష నౌక అని అంటున్నారు. దీనిపై రకరకాల కథనాలు వినిపిస్తున్నా.. అప్పటి వీడియో ప్రస్తుతం సోషల్ మీడియాలో వైరల్ అయ్యింది.

ఆ పేలుడు సందర్భంగా అక్కడికి చేరుకున్న యూఎస్ బలగాలు స్ట్రెచర్‌పై ఏలియన్‌ను స్వయంగా తరలించడాన్ని వీడియోలో చూడవచ్చు. ఈ వీడియోను మీరూ చూడండి.