అత్తపై కోపం దుత్తపై చూపించినట్లు.. భర్తపై కోపాన్ని కుమారుడిపై చూపింది.. ఉరేసి? (వీడియో)

థాయ్‌లాండ్‌కు చెందిన ఓ మహిళ భర్తను తన కుమారుని వంకతో బెదిరించింది. భర్త ఇంటికి రాకపోవడంతో నీ బాబు బతకాలంటే ఇంటికి త్వరగా రావాలని.. లేకుంటే చంపేస్తానని కోపంగా మాట్లాడుతూ.. ఓ వీడియోను భర్తకు పోస్టు చేసి

థాయ్‌లాండ్‌కు చెందిన ఓ మహిళ భర్తను తన కుమారుని వంకతో బెదిరించింది. భర్త ఇంటికి రాకపోవడంతో నీ బాబు బతకాలంటే ఇంటికి త్వరగా రావాలని.. లేకుంటే చంపేస్తానని కోపంగా మాట్లాడుతూ.. ఓ వీడియోను భర్తకు పోస్టు చేసింది. ఈ వీడియోతో భయపడిన భర్త.. వెంటనే దాన్ని చెల్లికి పంపించాడు. ఆమె పోలీసుల స‌హాయం కోరుతూ వీడియోను ఆన్‌లైన్‌లో షేర్ చేసింది.

వివరాల్లోకి వెళితే  థాయ్‌లాండ్‌కు చెందిన నారేమున్ జంప‌సెర్టు. ఈమెకు భర్తతో మనస్పర్ధలు ఏర్పడ్డాయి. ఎంతసేపటికీ ఫోను తీయకపోవడంతో తన కుమారుడికి ఉరేసి, చంపేస్తాన‌ని బెదిరిస్తూ వీడియో తీసి పంపింది. ఈ వీడియో పోలీసుల వద్దకు వెళ్ళడంతో ఆమెను అదుపులోకి తీసుకున్నారు. కుటుంబ సమస్యలు,  భర్త మీద అనుమానంతో తాను క్షణికావేశంలో అలా ప్రవర్తించాల్సి వచ్చిందని చెప్పింది. 

కన్నబిడ్డను చంపేంత కిరాతకురాలిని కాదని.. అది కేవలం బెదిరింపు మాత్రమేనని.. నిజానికి తాను చ‌నిపోవాల‌నుకున్నాన‌ని, తర్వాత బాబు వంక‌తో బెదిరించిన‌ట్లు నారేమున్ చెప్పింది.