ఇరాన్ దేశంలో ఘోరం జరిగింది. ఈ దేశంలోని అబాడాన్ నగరంలో పది అంతస్తుల భవనం ఒకటి కుప్పకూలిపోయింది. ఈ ఘటనలో ఐదుగురు ప్రాణాలు కోల్పోయారు. మరికొంతమంది గాయపడ్డారు. భవన శిథిలాల కింద 80 మందికి వరకు చిక్కుకున్నట్టు సమాచారం. వారిని రక్షించేందుకు రెస్క్యూ సిబ్బంది ముమ్మరంగా ప్రయత్నిస్తుంది.
ఈ సహయాక చర్యల్లో రెండు రెస్క్యూ డాగ్‌లు, హెలికాఫ్టర్లు, ఏడు రెస్క్యూ వాహనాలను ఇప్పటికే సంఘటనా స్థలంలో మొహరించినట్టు ఇరాన్ స్టేట్ టీవీ వెల్లడించింది. అయితే, ఈ భవనం కూలిపోవడానికి గల కారణాలు మాత్రం తెలియరాలేదు. ఈ ఘటనపై స్థానిక అధికారులు విచారణకు ఆదేశించారు. అలాగే, భవన నిర్మాణ కాంట్రాక్టరును పోలీసులు అరెస్టు చేశారు.