అమెరికా అధ్యక్షుడు డొనాల్డ్‌ ట్రంప్ ప్రపంచానికి శుభవార్త చెప్పారు. కరోనా వ్యాక్సిన్ వచ్చేసిందని, 20 లక్షల డోసులు సిద్ధంగా వున్నాయని ప్రకటించారు. వాటి రక్షణాత్మక పరీక్షలు జరపడమే మిగిలివుందని పేర్కొన్నారు.
అమెరికా సర్కారు ఆధ్వర్యంలో కనుగొన్న వ్యాక్సిన్ ఉత్పత్తి అవకాశాన్ని ఐదు ప్రయివేటు కంపెనీలకు ఇవ్వనున్నట్లు శ్వేతసౌధ వర్గాలు వెల్లడించారు. కరోనా పరీక్షలు చేసే కిట్లను తయారుచేసే ప్యూరిటన్‌ మెడికల్‌ ప్రాడక్ట్స్‌ కంపెనీని సందర్శించిన సందర్భంగా ట్రంప్ మాట్లాడారు.
కరోనా విలయంతో అమెరికాలో ఉద్యోగాలు కోల్పోయిన 83 లక్షల మందిలో 25 లక్షల మందికి మే నెలలో తిరిగి ఉద్యోగాలు దొరికాయన్నారు.
భారత్‌, చైనా లాంటి దేశాలు మరిన్ని కొవిడ్‌ పరీక్షలు చేస్తే తమ దేశం కన్నా ఎక్కువ కరోనా వైరస్‌ కేసులు బయట పడేవని అన్నారు. అమెరికా ఇప్పటివరకు రెండు కోట్ల పరీక్షలు చేసిందని, అందుకే ప్రపంచంలోకెల్లా అత్యధిక కేసులు తమ దేశంలో నమోదయ్యాయని చెప్పారు.