బ్రిటన్‌లో 32 మంది భారతీయుల అరెస్ట్

లండన్‌లో 2012లో జరిగే ఒలంపిక్ ఆటల పోటీలు జరిగే స్థలంలో అనధికారికంగా పని చేస్తున్నారన్న ఆరోపణపై 32 మంది భారతీయ పౌరులను పోలీసులు అదుపులోకి తీసుకున్నారు.

యూకే సరిహద్దు ఏజెన్సీ(యూకేబీఏ) తెలిపిన వివరాల మేరకు అనధికారికంగా పని చేస్తున్న దాదాపు వందమందిని తాము అదుపులోకి తీసుకున్నామని యూకేబీఏకు చెందిన ఒలంపిక్ 2012 కార్యక్రమ ఉన్నతాధికారి టోనీ స్మిత్ వెల్లడించినట్లు ఏజెన్సీ తెలిపింది. వీరిలో 32 మంది భారతీయులున్నారని వారు పేర్కొన్నారని యూకేబీఏ తెలిపింది.

ఈ సందర్భంగా ఆయన మాట్లాడుతూ... ఈ ఏడాది ఏప్రిల్ నుంచి నవంబర్ వరకు వీరిని అదుపులోకి తీసుకున్నట్లు ఆయన వివరించారు. తమ దేశంలో అనధికారికంగా పని చేసేవారిని ఉద్యోగంలో నుంచి తొలగించనున్నామని ఆయన వెల్లడించారు.