అర్జెంటీనాలోని బ్యూనస్ఎయిర్స్లో ఉన్న లూజాన్ జూకి వెళితే.. పులిని పలకరించి.. పక్కన నిలబడి ఫొటో తీయించుకోవచ్చు! అలాగే సింహం జూలుతో జడేయొచ్చు! సాధారణంగా జూకెళితే.. జంతువులను బోనులో చూడటమే మనకు అలవాటు. ఇక్కడ బోనులోకి వెళ్లి మరీ చూడొచ్చు. పులికి పాలు పట్టవచ్చు.. సింహంతో కలిసి స్మైలివ్వవచ్చు.
ముచ్చటపడితే.. వాటిపైకి ఎక్కి స్వారీ కూడా చేయవచ్చు. క్రూర జంతువులతో పరాచికాలా అని మీరు అనుకోవచ్చు. కానీ 1994లో ఈ జూ ప్రారంభమైనప్పటి నుంచి ఇప్పటివర కూ ఓ చిన్న ప్రమాదం కూడా జరగలేదు. అందుకు కారణం.. చిన్నప్పటి నుంచి వాటిని తాము పెంచే తీరేనని జూ క్యూరేటర్ చెబుతున్నారు. మనుషులతో కలివిడిగా ఉండేలా వాటిని తాము తీర్చిదిద్దుతామన్నారు.