నలుగురిని ఒకేసారి పెండ్లాడిన వ్యక్తి...!

దక్షిణాఫ్రికాకు చెందిన ఓ వ్యక్తి ఒకేసారి నలుగురు మహిళలను పెండ్లాడాడు. పెండ్లి వేడుకల్లో పెండ్లి కూతురులకు ప్రతి ఒక్కరికి ఉంగరం తొడిగి ముద్దాడాడు. ఈ పెండ్లి సందడిలో వేలాదిమంది పాల్గొని వధూవరులకు శుభాకాంక్షలు చెప్పడం విశేషం.

దక్షిణాఫ్రికాలోని వీనేన్‌లో శనివారం ప్రత్యేకమైన పెండ్లి జరిగింది. అందులో పెండ్లి కుమారుడైన మిల్టన్ మ్బ్లే (44) ఏకంగా నలుగురు మహిళలను పెండ్లాడాడు. ఈ పెండ్లిలో భాగంగా అతను పెళ్ళి చేసుకున్న ప్రతి మహిళకు ఉంగరం తొడిగి ముద్దాడాడు. దీంతో పెండ్లి తంతు ముగిసిందని మత పెద్దలు ప్రకటించారు.

దక్షిణాఫ్రికా దేశానికి సంబంధించిన చట్టం బహూ భార్యాత్వాన్ని సమర్థిస్తుంది. దీనికి ఉదాహరణగా అక్కడి అధ్యక్షుడు జుమాకు ముగ్గురు భార్యలుండటం గమనార్హం.

ఇదిలావుండగా ఇదివరకే ఇతనికి 11 మంది పిల్లలున్నట్లు సమాచారం.