" అణ్వాయుధ నిరోధం"పై భారత్-పాక్‌లు సమతూక చర్యలు చేపట్టాయని అమెరికా విదేశాంగ శాఖామంత్రి హిల్లరీ క్లింటన్ పేర్కొన్నారు. భారత్-పాకిస్థాన్‌లు అణ్వాయుధాలను పరిమితంగా వినియోగించే విషయంలో అమెరికా తీవ్రంగా కృషి చేస్తోందని హిల్లరీ క్లింటన్ స్పష్టం చేశారు. అణ్వాయుధాల నిరోధంపై ఇరుదేశాల తగిన తీసుకోవాలని సూచించడంలో అమెరికా కీలక పాత్ర పోషిస్తుందని ఆమె తెలిపారు.
లూజీవిల్లీ యూనివర్శిటీలో జరిగిన న్యూక్లియర్ నాన్-ప్రొలిఫరేషన్ సదస్సులో హిల్లరీ క్లింటన్ మాట్లాడుతూ.. అణ్వాయుధాల నిరోధం, ఆవశ్యకత గురించి వివరించారు. అణ్వాయుధాలను కేవలం శాంతియుత చర్యలకే ఉపయోగించాలని ఆమె సూచించారు. అణ్వాయుధాలను అపరిమితంగా వాడటం వల్ల కలిగే నష్టాలను ఎత్తిచూపిన క్లింటన్, శాంతియుత ఆవశ్యకతకే అణుశక్తిని వాడాలని పునరుద్ఘాటించారు.