యాష్ స్టేడియానికి పై కప్పు నిర్మాణం

అమెరికాలోని న్యూయార్క్ నగరంలో ఉన్న ప్రతిష్టాత్మక యాష్ స్టేడియంకు పై కప్పు నిర్మించాలని నిర్వాహకులు భావిస్తున్నారు. గ్రాండ్‌స్లామ్ టోర్నీలకు వేదికగా నిలిచే ఈ స్టేడియానికి పైకప్పు లేకపోవడం వల్ల వర్షం పడిన ప్రతిసారీ మ్యాచ్‌లను వాయిదా వేయాల్సి వస్తోన్న సంగతి తెలిసిందే.

ఈ విషయమై గ్రాండ్‌స్లామ్ టోర్నీ చీఫ్ ఎగ్జిక్యూటివ్ కాంటారియన్ మాట్లాడుతూ మున్ముందు వర్షం పడే సమయంలోనూ మ్యాచ్‌లు నిర్వహించేందుకు వీలుగా యాష్ స్టేడియానికి పైకప్పు నిర్మిస్తామని తెలిపారు. యాష్ స్టేడియానికి నిర్మించనున్న కప్పు అత్యాధునిక పరిజ్ఞానంతో అన్ని హంగులు ఉండేలా నిర్మిస్తామని ఆయన పేర్కొన్నారు.

యాష్ స్టేడియానికి పైకప్పు లేని కారణంగా తాజాగా జరుగుతోన్న అమెరికా ఓపెన్ టోర్నీలోని పురుషుల, మహిళల సింగిల్స్ ఫైనల్స్‌ను వాయిదా వేయాల్సి వచ్చిన సంగతి తెలిసిందే.