కరీబియన్ సముద్రంలో విమానం కూలిన ఘటనలో హాలీవుడ్ నటుడు క్రిస్టియన్ ఓలివర్ మృతి చెందారు. తన ఇద్దరు కూతుళ్లతో ఓలివర్ ప్రాణాలు విడిచారు. విహార యాత్ర కోసం ఓలివర్.. బెకియా నుంచి బయలుదేరాక ఈ ప్రమాదం జరిగింది. టేకాఫ్ చేసిన కొద్ది సేపటికే విమానం సముద్రంలో కూలిపోయింది.
ఈ ఘోర ఘటనకు సంబంధించిన సమాచారం అందగానే విమానం కూలిన ప్రాంతానికి చేరుకున్న జాలరులు, కోస్ట్ గార్డ్ సిబ్బంది మృతదేహాలను వెలికితీశారు. ఈ ప్రమాదంలో విమానం పైలట్ కూడా కన్నుమూశారు.
జర్మనీ సంతతికి చెందిన ఓలివర్ తన కెరీర్‌లో 60కి పైగా సినిమాలు, టీవీ సీరియళ్లలో నటించారు. ప్రముఖ నటుడు టామ్ క్రూయిజ్ నటించిన వాల్కరీ మూవీలోనూ ఓ చిన్న పాత్ర పోషించారు.