ఆర్నాల్డ్‌కు చుక్కలు చూపించిన ఏనుగు.. హాలీవుడ్ హీరోకు ప్యాంటు తడిసిందా?! (వీడియో)

వెండితెరపైన హీరోలు భారీ కండలు పెంచుకుని ఎవ్వరూ చేయని సాహసాలు చేస్తూ అందరిని అబ్బురపరుస్తుంటారు. కాని ఆ సాహసాలు నిజజీవితంలో చేస్తారన్న గ్యారంటీ లేదు. ఒక్కోసారి నిజ జీవితంలోకి వచ్చే సాహసాలను కూడా ఎదుర్కొవాల్సి వస్తుంది. ఇదంతా ఎందుకు చెప్తున్నారని అనుకుంటున్నారు కదూ... అదేంటో తెలుసుకోవాలంటే ఈ కథనం చదవాల్సిందే.

హాలీవుడ్ సినిమాలలో ఎన్నోసాహసాలను చేసి అసాధారణ పరిస్థితులను ఎదుర్కొంటూ అసాధ్యమైన విజయాలను సాధించిన హాలీవుడ్ దిగ్గజం ఆర్నాల్డ్‌కి నిజ జీవితంలో మాత్రం ఓ ఏనుగు చుక్కలు చూపించింది. ఇటీవల ఆర్నాల్డ్ తన మిత్రులతో కలిసి ఆఫ్రికా అడవుల్లోకి వెళ్ళాడు.

అక్కడ ఓ భారీ ఏనుగు పెద్ద తొండంతో జీపు ముందుకొచ్చి నిలబడడంతో ఆర్నాల్డ్‌కి నోటమాట రాలేదంట. ఎక్కడ వారి మీదికి దాడిచేస్తుందోనని జీప్‌ని కొంచెం సేపు ఆపేశారు. అయితే కొద్ది నిమిషాల పాటు ఆ ఏనుగు కారు చుట్టూ తిరుగుతూ తొండాన్ని కారుపై మోపి లోపల ఉన్న వాళ్ళని తదేకంగా చూసిందట. దీంతో ఆర్నాల్డ్‌తో సహా తోటి స్నేహితులకి భయంతో వణుకుపుట్టిందట. 

అయితే ఆ ఏనుగు కొద్దిగా పక్కకు వెళ్ళడంతో బతుకు జీవుడా... అంటూ జీప్ స్పీడ్ పెంచి ప్రాణాలను కాపాడుకున్నారు. కాని ఆ ఏనుగు మాత్రం కొద్ది దూరం వెళ్లినట్టు వెళ్లి మళ్లీ వారిని వెంబడించి హాలీవుడ్ రేంజ్‌లో వారిని భయపెట్టే ప్రయత్నం చేసింది. అప్పటికే వీరు అక్కడనుండి జారుకున్నారు.

అయితే ఈ తతంగాన్నంతా వారు వీడియోగా తీశారు. ఈ వీడియో చూసినవారంతా ఆర్నాల్డ్‌కు ఆ ఏనుగు బాగానే సినిమా చూపించిందని సోషల్ మీడియాలో కామెంట్స్ చేసుకుంటున్నారు. అంతేకాదు.. అయ్యగారి ప్యాంటు కూడా తడిసే వుంటుందని జోకులేసుకుంటున్నారు. అదన్నమాట సంగతి.. ఆ వీడియోను మీరు కూడా చూడండి గురూ...!